ھاككارىدا بىر ئەسكەر شېھىت بولدى

تۈركىيە ئاۋازى رادىيوسى خەۋىرى: دۆلەت مۇداپىئە مىنىستىرلىقى يازما بايانات ئېلان قىلىپ، ھاككارىنىڭ چۇقۇرجا ناھىيەسىنىڭ چېگرا بويى تاغلىق رايونىدا پ ك ك تېررورچىلىرىنىڭ ھۇجۇمىدىن كېيىن توقۇنۇش يۈز بېرىپ، بىر ئەسكەرنىڭ شېھىت بولغانلىقىنى، بىر ئەسكەرنىڭ يارىلانغانلىقىنى ئۇقتۇردى.

رايوندىكى ھاۋا ۋە قۇرۇقلۇقتىن ئېلىپ بېرىلغان زەربە بېرىش ھەرىكىتىنىڭ داۋاملىشىۋاتقانلىقى توغرىسىدىكى ئۇچۇرلارغا ئورۇن بېرىلگەن باياناتتا، ھۇجۇمنى سادىر قىلغان ئۈچ تېررورچىنىڭ ئىراقنىڭ شىمالىدىكى زاپ رايونىدا ئىز قوغلاپ بىر تەرەپ قىلىنغانلىقى قەيت قىلىندى.