«türkiye tedbir almighan bolsa yawropa döletliri 6 aymu berdashliq bérelmigen bolatti»

ichki ishlar ministiri  sulayman soylu, türkiye  qansunsiz  köchke qarshi küchlük tedbir almighan bolsa,yawropa döletliri 6 aymu berdashliq bérelmeydighanliqini bildürdi.

«türkiye tedbir almighan bolsa yawropa döletliri 6 aymu berdashliq bérelmigen bolatti»

türkiye awazi radiyosi xewiri: ichki ishlar ministiri  sulayman soylu, türkiye  qansunsiz  köchke qarshi küchlük tedbir almighan bolsa, héchbir yawropa dölitining 6 aymu berdashliq bérelmeydighanliqini bildürdi.

ministir sulayman soylu, izmirde sahil bixeterlik qomandanliqigha tewe «dost paraxoti»da paraxot xadimliri bilen birge kechlik tamaq yédi.

qanunsiz köch hadisisining tiragédiyelik haletke bérip qalghanliqini eskertken sulayman soylu,türkiyening bu hadisige qarshi küchlük tedbirlerni élip kéliwatqanliqini bildürdi.

ministir sulayman soylu, ottura sherqtin yawropagha ketmekchi bolghan kishilerning bir qismining térrorluq teshkilati daéshqa, yene bir qismining bölgünchi térrorluq teshkilati « p k k»gha olpang tapshurushqa mejbur bolghanliqini éytti.

türkiyeni qanunsiz köchning bazisigha aylandurmaqchi bolghanlargha qattiq zerbe bérilidighanliqini éytqan ministir sulayman soylu: bu ishni teshkilligüchiler we adem etkeschilirige nepesmu aldurmaydighan halqiliq basquchqa kiriwatimiz, dédi.

qanunsiz köch hadisisige qarshi turush mesiliside yawropaning türkiyeni yalghuz tashlap qoyghanliqini éytqan sulayman soylu mundaq dédi: «bu ish pepilap qoyush bilen bolmaydu, türkiye qanunsiz köchke qarshi jiddiy xizmetlerni élip barmighan bolsa, héchbir yawropa döliti 6 ay berdashliq bérelmigen bolatti,eger buninggha ishenmise sinap baqsaq bolidu.»

ministir soylu sözini dawamlashturup munularni bayan qildi: «beziler yawropa parlaméntida olturuwélip türkiyeni eyiblewatidu,300 yil burunqi solchil idiyelerni yaqlap kéliwatqanlar dölitige 150 köchmen kelse néme qilishni bilmey téngirqap qéliwatidu. beziler yawropada turuwélip türkiyege haqaret qiliwatidu, silerge sewrimizni sinap baqmasliqinglarni tewsiye qilimiz. bizni haqaretleshni qoyup bu ishta bizge hemdemde bolunglar, dégen gépimni tehdit dep chüshiniwalmanglar, türkiye oyunchuqtek oynilidighan bir dölet emes, tarixtiki eng kölemlik köch dolqinigha duch kéliwatimiz, nawada qanunsiz köchmenlerge türkiyening yawropagha tutishidighan ishikini échiwetsek héchbir yawropa döliti 6 ay berdashliq bérelmeydu.»


خەتكۈچ: köch , türkiye , yawropa ittipaqi

مۇناسىۋەتلىك خەۋەرلەر