түркийәни «F-35» пирограммисидин чиқириветиш натоға сәлбий тәсир көрситиду

түркийә дөләт мудапиә министири һулуси акар түркийәниң «F-35» пирограммисидин чиқириливетишиниң, натониң болупму җәнубий қанитидики күчигә сәлбий тәсир көрситидиғанлиқини ейтти.

1238704
түркийәни «F-35» пирограммисидин чиқириветиш натоға сәлбий тәсир көрситиду

түркийә авази радийоси хәвири: дөләт мудапиә министири һулуси акар, армийә қоманданлиқ иштаби башлиқи йашар гүләр, қуруқлуқ армийә қомандани үмит дүндар, деңиз армийә қомандани аднан өзбал вә һава армийә қомандани һасан күчүкакйүз билән сүрийә чеграсидики һәрбий қисимларни тәкшүрүштә болғандин кейин, анадолу агентлиқиниң күнтәртип һәққидики соаллириға җаваб бәрди.

у американиң түркийәни «F-35» пирограммисидин чиқириветиш қарари үстидә тохтилип, түркийәниң наһайити еғир болған һава вә башқурулидиған бомба тәһдитлири астида туруватқанлиқини алаһидә әскәртти.

у түркийәниң 2000-йилларниң бешидин тартип давамлаштуруп кәлгән йирақ мусапилиқ район характерлик һава вә башқурулидиған бомба мудапиә системиси сетивелиш хизмәтлиригә истратегийәлик ортақ болған американиң бәргән җаваблириниң, бәкла кечиккәнликини вә қанаәтлинәрлик болмиғанлиқини билдүрди. у мундақ деди:

«бу даиридә <S-400> сетивелиш, таллаш мәсилиси болуштин һалқип мәҗбурийәткә айланди. <F-35> лайиһәсиниң муһим шерики болған вә барлиқ мәсулийитини толуқ ада қилған түркийәниң бир тәрәплимилик, шундақла адил болмиған қарар билән лайиһә һәмдә һәссилиридин чиқириветишкә урунушниң, бир йоллуқ сәвәбкә тайанмиғанлиқи наһайити ениқ.»

у америка тәрәп елан қилған байанатларниң бир тәрәплимә икәнликини, иттипақдашлиқ роһиға уйғун кәлмәйдиғанлиқини әскәртип: « F-35пирограммисидин чиқириветилишимиз, натониң болупму җәнубий қанитидики күчигә сәлбий тәсир көрситиду. американиң бу қараридин ваз кечишини вә мунасивәтлиримизгә зийан салидиған ишлардин йирақ турушни күтүш, истратегийәлик шерик болуш сүпитимиз билән әң әқәллий һәқ-һоқуқимиздур» деди.


خەتكۈچ: #S-400 , #F-35 , #акар

مۇناسىۋەتلىك خەۋەرلەر