erdoghan: herbiy isyan qozghighuchilar meqsitige yételmidi
jumhur reis rejep tayyip erdoghan herbiy isyan qozghighuchilarning meqsitige yételmigenlikini éytti.
türkiye awazi radiyosi xewiri: jumhur reis erdoghan fethullahchi térrorluq teshkilatining herbiy isyan urunushining 3 – yilliqi munasiwiti bilen istanbuldiki atatürk ayrodurumida ötküzülgen «15 – iyul démokratiye we milliy birlik küni uchrishishi» da xelqqe xitab qilghanda, mundaq dédi: «herqandaq bir xiyanet torining, héchqandaq bir térrorluq teshkilatining bizning menggü yimirilmes birlikimiz we qérindashliiqimizni buzushqa esla küchi yetmeydu. derweqe, herqandaq bir herbiy isyan qozghighuchilar yaki herbiy isyan qozghashqa urunghuchilar esla meqsitige yételmidi. xudayim buyrisa, buningdin kéyinmu hergiz yételmeydu. 2016 – yili 15 – iyul kéchisi herbiy isyan qozghap, türkiyeni qarangghuluqta kömüwetmekchi bolghanlarmu meqsitige yételmidi. shu qarangghu kéchige teslim bolmighan eziz xelqimdin intayin minnetdarmen. biz imanimizgha, tariximizgha, medeniyitimizge we ewladlirimizgha sahib chiqidighanla bolsaq, dölitimizni ishghal qilishqa héchkim pétinalmaydu. hemmige melumki, mürini mürige tirep küresh qilip, ghelibiséri alghan ilgirilewatimiz. shunga bu döletni ishghal qilishqa héchkimning küchi yetmeydu, eziz xelqiimizni qul qilishqa héchkimning qudriti yetmeydu.»
مۇناسىۋەتلىك خەۋەرلەر
türkiye-girétsiye ishench turghuzush yighini atinada échildi
türkiye-girétsiye ishench turghuzush tedbirliri yighini atina (afina)da ötküzüldi.