qalin rusiyening süriye alahide wekilini qobul qildi

jumhur reislik mehkimisi bayanatchisi ibrahim qalin, rusiye fédératsiyesining süriye alahide wekili aléksandér lawréntyéwni qobul qildi.

qalin rusiyening süriye alahide wekilini qobul qildi

türkiye awazi radiyosi xewiri: jumhur reislik mehkimiside tünügün ishqa ashurulghan uchrishishta, süriye mesilisige dair eng yéngi ehwallar muzakire qilindi.

türkiyening milliy xewpsizlikke alaqidar aldinqi orundiki siyasetliri roshen shekilde otturigha qoyulghan uchrishishta, idlib kélishimining saqlinip qélinishi, asasiy qanun komitétining qurulup élan qilinishi, süriye miqyasida térrorizmgha qarshi küresh qilish, bixeter rayon, daésh, p k k/y p g/ p y d qatarliq barliq térrorchi unsurlargha qarshi küresh, süriyening zémin pütünlükini saqlap qalidighan shekilde siyasiy chare tépish we süriyening qaytidin qurup chiqilishi dégendek mesililer otturigha qoyuldi.

yéqin zamanda ishqa ashurulushi pilanliniwatqan süriye mesilisige munasiwetlik üch terep (türkiye, rusiye, iran) bashliqlar yighini we arqidinla chaqirilidighan töt terep (türkiye, rusiye, firansiye, gérmaniye) bashliqlar yighinining küntertipi we waqtimu muzakire qilindi.

uchrishishta, türkiyening xewpsizlik jehettiki qayghulirining bir terep qilinidighanliqi we rayonning barliq térrorchi guruppilardin xaliylashturulidighanliqi eskertildi.

ikki döletning süriye mesilisidiki hemkarliqining özara ishench we ochuq – ashkara bolush pirinsipi boyiche dawamlashturulushining muhimliqi tekitlengen uchrishishta, türkiye jumhuriyiti we rusiye fédératsiyesi rehberlirining süriye mesilisidiki paal we izchil alaqisining dawamlishidighanliqi tekitlendi.


خەتكۈچ: süriye , rusiye , türkiye

مۇناسىۋەتلىك خەۋەرلەر