қалин русийәниң сүрийә алаһидә вәкилини қобул қилди

җумһур рәислик мәһкимиси байанатчиси ибраһим қалин, русийә федератсийәсиниң сүрийә алаһидә вәкили александер лаврентйевни қобул қилди.

қалин русийәниң сүрийә алаһидә вәкилини қобул қилди

түркийә авази радийоси хәвири: җумһур рәислик мәһкимисидә түнүгүн ишқа ашурулған учришишта, сүрийә мәсилисигә даир әң йеңи әһваллар музакирә қилинди.

түркийәниң миллий хәвпсизликкә алақидар алдинқи орундики сийасәтлири рошән шәкилдә оттуриға қойулған учришишта, идлиб келишиминиң сақлинип қелиниши, асасий қанун комитетиниң қурулуп елан қилиниши, сүрийә миқйасида терроризмға қарши күрәш қилиш, бихәтәр район, даеш, п к к/й п г/ п й д қатарлиқ барлиқ террорчи унсурларға қарши күрәш, сүрийәниң земин пүтүнлүкини сақлап қалидиған шәкилдә сийасий чарә тепиш вә сүрийәниң қайтидин қуруп чиқилиши дегәндәк мәсилиләр оттуриға қойулди.

йеқин заманда ишқа ашурулуши пиланлиниватқан сүрийә мәсилисигә мунасивәтлик үч тәрәп (түркийә, русийә, иран) башлиқлар йиғини вә арқидинла чақирилидиған төт тәрәп (түркийә, русийә, фирансийә, германийә) башлиқлар йиғининиң күнтәртипи вә вақтиму музакирә қилинди.

учришишта, түркийәниң хәвпсизлик җәһәттики қайғулириниң бир тәрәп қилинидиғанлиқи вә районниң барлиқ террорчи гуруппилардин халийлаштурулидиғанлиқи әскәртилди.

икки дөләтниң сүрийә мәсилисидики һәмкарлиқиниң өзара ишәнч вә очуқ – ашкара болуш пиринсипи бойичә давамлаштурулушиниң муһимлиқи тәкитләнгән учришишта, түркийә җумһурийити вә русийә федератсийәси рәһбәрлириниң сүрийә мәсилисидики паал вә изчил алақисиниң давамлишидиғанлиқи тәкитләнди.



مۇناسىۋەتلىك خەۋەرلەر