erdoghan ayropilanda küntertipke alaqidar soallargha jawab qayturdi
jumhur reis rejep tayyip erdoghan «S 400» bashqurulidighan bomba hawa mudapie sistémisini ortaq ishlepchiqirishta türkiye bilen rusiye otturisida héchqandaq mesile yoqluqini éytti.
türkiye awazi radiyosi xewiri: jumhur reis rejep tayyip erdoghan bosniye – girétsigowénadin türkiyege qaytish esnasida muxbirlarning küntertipke alaqidar soallirigha jawab qayturdi.
erdoghan «<S 400> bashqurulidighan bomba hawa mudapie sistémisi téxnika yötkesh xizmetliri jehette rusiye bilen mesile körüldi» dégen sözler üstide toxtilip, «ortaq ishlepchiqirish üchün rusiye pirézidénti putin bilen bashtinla kéliship bolghan ehwaldimiz» dédi.
erdoghan türkiyening «S 400» din waz kéchishini xalaydighanlarning ighwagerchilik xaraktérige ige sölerni tarqitiwatqanliqini tekitldi. bu sistémigha néme üchün éhtiyajliq ikenlikini yene bir qétim chüshendürüp, «bu bir hawa mudapie sistémisi. eger birersi bizge hujum qilsa, bizmu uninggha qarshi mudapie sistémisini ishqa salimiz. mushu sewebtin buninggha meblegh séliwatimiz» dédi.
erdoghan sherqiy aq déngizdiki yéngi weziyet we türkiye parxotliri teripidin élip bériliwatqan burghulash xizmetliri üstidimu toxtilip, shimaliy qibris türk jumhuriyitining rayondiki heq – hoquqliridin qetiy waz kéchishke bolmaydighanliqini jikilidi.
erdoghan mundaq dédi:
biz u yerde qandaqtur bashqilarning saheside ish bashlashqa urunghinimiz yoq. u yerde bolupmu shimaliy qibris türk jumhuriyitidiki qérindashlirimizning heq – hoquqini qoghdash üchün qedem tashlawatimiz. u yerdiki barliq sahelerde qibrista yashawatqan insanlarning barawer heq – hoquqi bar. biz ularning (yeni qibris türklirining) bu heq - hoquqlirini qoghdash üchün xizmet qiliwatimiz» dédi.
jumhure reis erdoghandin yene, köchmenler mesiliside yawropa ittipaqi bilen muzakillerning ötküzülidighan yaki ötküzülmeydighanliqi soraldi.
erdoghan bu mesilide yawropa ittipaqidiki yéngi rehberlikning qandaq bolidighanliqini körüsh kéreklikini bildürdi.
