erdoghan «S-400» toghrisida tepsiliy toxtaldi

türkiye awazi radiyosi xewiri: jumhur reis rejep tayyip erdoghan muxbirlargha yaponiyede amérika pirézidénti donald tramp bilen ötküzgen uchrishishining tepsilatliri toghrisida melumat berdi.

u pirézidént trampning bayanatini xatirilitip: «özining heyettikilirige qarimay nahayiti éniq we durust gep qildi. bu teqdirleshke tégishlik. emdi beziler S-400 toghrisida, bolupmu, oxshimighan qatlamdikiler u yer – bu yerde artuq gep qilmasliqi lazim. chünki pirézidént tramp qararini bérip boldi» dédi.

u pirézidént trampning «S-400» toghrisida türkiyening herikitini toghra dep qarighanliqini eskertip: «pirézidént tramp, <biz silerge shu émbargoni yürgüzimiz> démidi. S-400 toghrisida, <toghra déding, bu adaletsizlik> dédi. bu nahayiti muhim. pirézidént putin bilen üch terep bolup körüshkinimizdimu yene nahayiti muwapiq we yaxshi sözlerni qildi. héchqandaq qiyinchliq tartmastin bu musapini tamamlaymiz dep oylaymiz. bir hepte 10 kün ichide S-400 lerning deslepki qismi yétip kélidu» dédi.

u: «türkiye amérikadin <wetenperwer> namliq bashqurulidighan bombilarni sétiwalamdu?» dégen soalgha: «téxnologiyelik jehettin bir dane S-400 üch dane wetenperwerge teng. shundaqtimu biz shertlerni körüp baqayli. eger shertler S-400 bilen oxshash bolsa, biz <wetenperwer> alimiz. eger teng bolmisa, renjimenglar, undaqta siler özenglarning menpeetini oylisanglar, bizmu menpeetimizni oylaymiz. buni ochuq déduq» dédi.

u körüshüshlerde «F-35» lerningmu küntertipke kelgenlikini, buninggha munasiwetlik musapigha dölet mudapie we tashqi ishlar ministirlirining nazaret qilidighanliqini bildürdi.

u türkiye hawa yolliri shirkitining amérikadin 100 dane boyin ayropilani sétiwalidighanliqini bildürüp, pirézidént trampning türkiye ziyaritining munasiwetlerni téximu ilgiri süridighanliqini qeyt qildi.