ئىستانبۇلدىكى شەھەرلىك ھۆكۈمەت سايلىمىنىڭ بېلەت تاشلاش مۇددىتى ئاخىرلاشتى

تۈركىيە ئاۋازى رادىيوسى خەۋىرى: سايلامدا ئادالەت ۋە تەرەققىيات پارتىيەسى بىلەن مىللىيەتچى ھەرىكەت پارتىيەسى (يەنى جۇمھۇر ئىتتىپاقى)نىڭ نامزاتى بىنالى يىلدىرىم، جۇمھۇرىيەت خەلق پارتىيەسى ۋە ئىيى پارتىيە (يەنى مىللەت ئىتتىپاقى)نىڭ  نامزاتى ئەكرەم ئىمامئوغلۇ ھەمدە سائادەت پارتىيەسىنىڭ نامزاتى نەجدەت گۆكچىنار بىلەن ۋەتەن پارتىيەسىنىڭ نامزاتى مۇستاپا ئىلكەر يۈجەل رىقابەتلەشتى.

ئەتىگەن سائەت 08:00 دە باشلانغان بېلەت تاشلاش پائالىيىتى چۈشتىن كېيىن سائەت 17:00 دە ئاخىرلاشتى.

سايلامنىڭ نەتىجىسى ئالىي سايلام كومىتېتىنىڭ تارقىتىش بېرىش چەكلىمىسى بىكار قىلىنغاندىن كېيىن ئېلان قىلىنىدۇ.

تۈركىيە ئالىي سايلام كومىتېتى، 31 – مارتتىكى سايلامدىن كېيىن، ئادالەت ۋە تەرەققىيات پارتىيەسىنىڭ ئېتىرازىغا ئاساسەن، 6 – مايدا ئىستانبۇل شەھەرلىك ھۆكۈمەت باشلىقى سايلىمىنىڭ يېڭىلىنىشىغا قارار قىلغانىدى.