ئىراقنىڭ شىمالىدا پەنجە ھەرىكىتى داۋاملاشماقتا

تۈركىيە ئاۋازى رادىيوسى خەۋىرى: ئىراقنىڭ شىمالىغا جايلاشقان ھاكۇرك رايونىدا داۋاملىشىۋاتقان «پەنجە ھەربىي ھەرىكىتى» دە، بۆلگۈنچى تېررورلۇق تەشكىلاتى پ ك ك نىڭ ئىستېھكاملىرى، پاناھلىنىش جايلىرى ۋە قورال-ياراغ ئىسكىلاتلىرى بىتچىت قىلىندى.

تۈركىيە دۆلەت مۇداپىئە مىنىستىرلىقىنىڭ يازما باياناتىدا كۆرسىتىلىشىچە، قاندىل، ھاكۇرك، ھافتانىن ۋە ئاۋاشىن باسيان رايونلىرىدا ئېلىپ بېرىلغان ھاۋا ھەرىكەتلىرىدە، بۆلگۈنچى تېررورلۇق تەشكىلاتى پ ك ك نىڭ ئىستېھكاملىرى، ئۆڭكۈر ۋە قورال-ياراغ ئىسكىلاتلىرى بىتچىت قىلىنغان.