erdoghan: shéhit mursi qérindishimizgha allahtin rehmet tileymen

jumhur reis rejep tayyip erdoghan, muhemmed mursining wapati toghrisida bayanat bérip, «shéhit mursi qérindishimizgha allahtin rehmet tileymen» dédi.

erdoghan: shéhit mursi qérindishimizgha allahtin rehmet tileymen

türkiye awazi radiyosi xewiri: jumhur reis erdoghan istanbulda muxbirlarning muhemmed mursining wapati toghrisidiki soallirigha jawab berdi we misir xelqige teziye bildürdi.

u, muhemmed mursining, misirda herbiy – siyasiy özgirish arqiliq hakimiyetni tartiwalghan «zalim (abdulfettah) sisi» teripidin minglarche dosti bilen birlikte yillardin buyan qamaqta tutup turulghanliqini xatirilitip ötti.

jumhur reis erdoghan yene tünügün kechte ishtirak qilghan bir paaliyette söz qilip, «mursi özi ishengen dewa yolidiki küresh esnasida hayatidin ayrilghan bir shéhittur, tarix uning shéhit bolushigha yol achqan zalimlarni qetiy untumaydu» dédi.

misirning sabiq pirézidénti muhemmed mursi, 2012 – yili döletning beshinchi, saylam arqiliq hakimiyet béshigha kelgen tunji pirézidénti bolghanidi.

u, 2013 – yili 3 – iyunda sisi bashchiliqidiki misir armiyesining herbiy özgirishi netijiside aghduruwétildi.

mursi bolsa, herbiy – siyasiy özgirishni qobul qilmaydighanliqini jakarlidi we xelqni herbiy – siyasiy özgirishke qarshiliq körsitishke chaqirdi.

özgirishtin kéyin nazaret astigha élinghan muhemmed mursi, 6 yilgha yéqin waqittin buyan tutqun halette sotlanmaqta idi. yéqinqi bir yildin buyan salametlik ehwalining nacharliship ketkenliki melum idi.


خەتكۈچ: erdoghan , mursi , shéhit , teziye

مۇناسىۋەتلىك خەۋەرلەر