muhemmed murisining shéhit bolghanliqigha dölet ichidin naraziliqlar yükselmekte

türkiye awazi radiyosi xewiri: türkyie büyük millet mejlisi (parlaménti) bashliqi mustafa shentop ijtimaiy taratqu hésabidin élan qilghan bayanatida, «mursi qanunluq salahiyet sipida orun élish jasaritini körsetken katta bir rehberdur. murisi qamaqqa élindi, biraq murisi özini qamighanlardinmu bek hör idi. misir xelqige, islam dunyasigha we ézilgen barliq milletlerge teziye téleklirimni yollaymen. shuninggha ishinimenki, uning küreshliri we hayati uningdin kéyinkilerge yol bashlighusi» dédi.

tashqi ishlar ministiri mewlüt chawushoghlu mursining misir sot mehkimiside wapat bolghanliqi üstide toxtilip, «herbiy – siyasiy özgirish uni hakimiyettin uzaqlashturdi, biraq uning eslimilirini qelblirimizdin yuyup chiqirish mumkin emes. ümmet uning tik turishini qetiy untumaydu» dédi. 

jumhur reislik uchur – alaqe ishliri bashliqi fexrittin altun ijtimaiy taratqu hésabida élan qilghan bayanatida, «misirning tunji qétim démokratik usullar bilen saylanghan we pütün dunyaning köz aldida qanliq bir herbiy özgirish arqiliq hakimiyettin aghduruwitilgen tunji pirézidénti muhemmed mursi sot mehkimiside heqning huzurigha ketti» dédi. 

adalet we tereqqiyat partiyesi bayanatchisi ömer chelikmu: «misirning saylam bilen kelgen tunji pirézidénti muhemmed mursi exlaqsiz we qanunsiz herbiy özgirishning changgilidiki sot mehkime zalida sot qiliniwatatti. mehkime zalidila shéhit boldi. shéhit muhemmed mursigha allahtin rehmet tileymiz» dédi. 

ömer chelik muhemmed murisining jinazisining ailisige tapshurulmastin depin qilinishigha nazariliq bildürüp, «qolliridiki ölüm mashiniliri bilen adimiyiliq qimmet qariishgha hujum qilghanlar hayat turup chürüp tügeydu. mehkime zalida wapat bolghan ghuruluq bir kiishning jinazisidinmu qorqushmaqta. chünki chürükler hayat kishilerdin qorqaydu» dédi.