muawin jumhur reis shiwéytsariyede
muawin jumhur reis fuat oktay shiwéytsariyede ziyarette boldi.
türkiye awazi radiyosi xewiri: xelqara emgek teshkilatining 30 dölettin dölet we hökümet bashliqliri ishtirak qilghan 108 – nöwetlik xelqara emgek konféransigha qatnishish üchün shiwéytsariyede ziyarette bolghan muawin jumhur reis fuat oktay, konférans jeryanida heyetler ara türlük uchrishishlarni élip bardi.
oktay birleshken döletler teshkilatining jenwediki ish béjirish ornida b d t omumiy kéngishining bashliqi maria fernanda éspinosa garsés bilen bir yerge jem boldi.
uchrishishta, aile we ijtimaiy xizmetler ishliri ministiri zehra zümrüt selchuq we türkiyening birleshken döletler teshkilatining jenwediki ish béjirish ornida daimiy turushluq wekili bash elchi sadiq aslan qatarliqlarmu muawin jumhur reis fuat oktay bilen bille boldi.
uchrishishta, türkiye – birleshken döletler teshkilati otturisidiki hemkarliqni yenimu kücheytish toghruluq muzakire élip bérildi. türkiyening sijil tereqqiyat nishanlirining nahayiti zor ehmiyetke ige ikenliki tekitlengen uchrishishta, birleshken döletler teshkilati téxnologiye bankisining ehmiyiti, birleshken döletler teshkilati qurulmisida islahat élip bérish paaliyetliri we istanbulda ishqa kirishtürülidighan birleshken döletler teshkilati yashlar mulazimet merkizi xizmiti toghruluq özara pikir almashturuldi.
