türkiyening «déngiz börisi 2019 – yilliq herbiy maniwéri» axirilashti
maniwérgha 131 paraxot, 57 ayropilan, 33 tik uchar bilen birge yene déngiz armiyesi qomandanliq ishtabigha tewe qisimlar qatnashti.
déngiz armiyesi qomandanliq ishtabi teripidin ötküzülgen eng chong, pilanliq maniwérlardin birsi bolghan «déngiz börisi 2019 – yilliq herbiy maniwéri» ning axiriqi künide dölet mudapie ministiri xulusi aqarning qatnishishi bilen serxil közetküchi küni murasimi ötküzüldi.
türkiye awazi radiyosi xewiri: dölet mudapie ministiri xulusi aqarning marmarista aqsaz déngiz armiye qomandanliq ishtabidiki ziyaritige armiye bash ishtab bashliqi général yashar güler we her qaysi qisim qomandanliri hemrah boldi.
14 – mayda bashlanghan maniwérgha 131 paraxot, 57 ayropilan, 33 tik uchar bilen birge yene déngiz armiyesi qomandanliq ishtabigha tewe qisimlar qatnashti.
«déngiz börisi 2019 – yilliq herbiy maniwéri» birla waqitta qara déngiz, ege déngizi we sherqiy aq déngizda tengla ötküzüldi.
maniwér dairiside, yerlik qoral sistémiliri, yuqiri süretlik su üsti uchquchisiz hawa esliheliri bilen oqqa tutush, paraxottin qurughluqqa katosha we rakitamiyut bilen hujum qilish, hujumchi uchquchisiz ayropilandin étish, «UMTAS» we «L-UMTAS» yiraqtin bashqurulidighan oq... qatarliqlar bilen telim - terbiye élip birildi.
maniwér jeryanida déngiz haywanlirini we ular yashaydighan muhitni qoghdash üchün her türlük tedbirler yolgha qoyuldi.
maniwér tünügün axirlashti.
