mewlüt chawushoghlu dunya miqyasidiki chong térrorluq tehditini eskertti

türkiye awazi radiyosi xewiri: mewlüt chawushoghlu finlandiyening paytexti hélsinkide ötküzülgen 129 – nöwetlik yawropa kéngishi bashliqlar komitéti yighinining heyet bashliqliri qatnashqan bölümide nutuq sözlidi.

mewlüt chawushoghlu yawropa kéngishi bash katipi torbjorn jaglandning yighin dairiside songhan doklatidiki «yawropada ayrimchiliqqa qarshi küresh we barawerlik siyasetlirining küchlendürilishi» ge alaqidar chaqiriqini qollaydighanliqini bildürüp, «démokratiyemiz nöwettiki burulushlarning xewpi astida turmaqta. ibadetxanilargha qiliniwatqan hujumlar barghanche kéngeymekte. yéngi zélandiye we sirilankada yüz bergen térrorluq hujumliri, amérikidiki jamege qilinghan hujum we yawropadimu oxshash weqelerning yüz bériwatqanliqi bizge tehditning neqeder chongluqini eskertmekte. doklattiki ijtimaiy heq - hoquqlargha alahide ehmiyet bérilgenlikinimu medhiyeleymiz. biraq ayrimchiliqqa qarshi munasip bir shekilde qoghdash pirogrammiliri bolmisa, mesilen؛ xizmetke iltimas sunghiningizda ten renggingiz yaki bash yaghliqingiz sewebidiin ret qilinsingiz, ijtimaiy heq - hoquqning anche menisi qalmighan bolidu» dédi.

mewlüt chawushoghlu toqunushlarning tinch yollar bilen hel qilinishi we yawropa kéngishige eza döletlerning zémin pütünlikige hörmet qilishning hemmeylenge ortaq bir mesuliyet bolushi lazimliqini tekitlidi.