хулуси ақар «F-35» типлиқ уруш айропилани лайиһәси һәққидә муһим сөз қилди

дөләт мудапиә министири хулуси ақар вә түркийә армийәси қоманданлири «F-35» типлиқ уруш айропилани орунлаштурилидиған малатйадики 7 - һава армийә базисида хизмәтләрни көздин кәчүрди.

хулуси ақар «F-35» типлиқ уруш айропилани лайиһәси һәққидә муһим сөз қилди

 

 

түркийә авази радийоси хәвири: дөләт мудапиә министири хулуси ақар малатйадики 7 - һава армийә базисида лайиһәниң техникилиқ тәпсилатлири һәққидә мәлумат алди. 

хулуси ақар русийәдин «S-400» башқурулидиған бомба мудапиә системиси сетивилишниң «F-35» типлиқ уруш айропилани лайиһәсигә һечқандақ тәсир көрсәтмәйдиғанлиқини ейтти.

министир хулуси ақар түркийәниң «F-35» типлиқ уруш айропилани лайиһәсиниң шерики икәнликини вә бүгүнгә қәдәр барлиқ мәсулийәтлирини үзлүксиз вә кәм қоймастин толуқ орундап келиватқанлиқини һәмдә шерикликниң тәқәззаси сүпитидә 1 милйард 200 милйон доллар пул тапшурулғанлиқини билдүрүп йәнә мундақ деди:

 «" S-400" башқурулидиған бомба мудапиә системиси күнтәртипкә кәлгәндин кейин, <" S-400" елинса, «F-35» типлиқ уруш айропиланини бәрмәймиз> дәйдиған бир әһвал оттуриға чиқти. бизму қарши тәрәпкә «F-35» типлиқ уруш айропилани лайиһәси келишимидә, <әгәр шерикләрдин бирси " S-400" башқурулидиған бомба мудапиә системиси сетивалса, шерикликтин чиқирип ташлиниду> дәйдиған бирәр маддиниң йоқлуқини әскәртмәктимиз. биз барлиқ мәсулийәтлиримизни орундаватимиз. пүтүн хизмәтлиримизни әнчикилик вә сәмимийәт билән қиливатимиз. буниңдин башқа йәнә, <" S-400" башқурулидиған бомба мудапиә системи шималий атлантик әһди тәшкилатиниң системисидин пүтүнләй мустәқил болиду. нато системилири билән машлаштуруш уйақта турсун, дөләтлик системимиз биләнму маслаштурмаймиз. пүтүнләй мустәқил болиду> дегәнни тәкитләватимиз»



مۇناسىۋەتلىك خەۋەرلەر