түркийә бүйүк милләт мәҗлисигә һуҗум қилинишиниң алди елинди

түркийә бүйүк милләт мәҗлисигә террорлуқ һуҗуми елип беришниң алди елинди.

fahrettin altun.jpg

түркийә авази радийоси хәвири: түркийә бүйүк милләт мәҗлисиниң зийарәтчиләр залиға киргән икки киши бу йәрдики хизмәтчи – хадимни гөрүгә еливелишқа урунди.

шуниң билән, вәқәгә мудахилә қилған дөләт хәвпсизлик күчлири, бу кишиләрниң террорлуқ тәшкилати DHKP-C  билән четишлиқи барлиқини, көплигән террорлуқ җинайәтлирини садир қилғанлиқини ениқлап чиқип, дәрһал қолға чүшүрди.

җумһур рәислик сарийи учур - алақә ишлири башқармисиниң башлиқи фаһрәттин алтун, аммиви ортақлишиш тор бети Twitter сәһиписидә, бу һәқтә елан қилған байанатида, террорлуқ тәшкилати DHKP-C  билән четишлиқи бар икки террорчиниң түркийә бүйүк милләт мәҗлисигә һуҗум қилишқа урунғанлиқини тәкитләп мундақ деди: « террорлуқ тәшкилати DHKP-C  билән четишлиқи икки террорчи түркийә бүйүк милләт мәҗлисигә һуҗум қилишқа урунди, бу уларниң хәлқниң ирадисигә һуҗум  қилишни нишан қилғанлиқи һесаблиниду.»



مۇناسىۋەتلىك خەۋەرلەر