چاۋۇشئوغلۇ لاۋروۋ بىلەن كۆرۈشتى

تۈركىيە ئاۋازى رادىيوسى خەۋىرى: دىپلوماتىك مەنبەلەرنىڭ بىلدۈرۈشىچە، ئۇچرىشىشتا، چاۋۇشئوغلۇ رۇسىيە تاشقى ئىشلار مىنىستىرى سېرگېي لاۋروۋدىن سۈرىيەنىڭ ئىدلىب رايوندىكى ھۇجۇملارغا خاتىمە بېرىلىشىنى تەلەپ قىلغان. لاۋروۋمۇ تۈنۈگۈن ئەتىگەن ھۇجۇملارنىڭ توختىتىلغانلىقىنى بىلدۈرگەن.

يېقىندىن بۇيان بەششار ئەسەد كۈچلىرى ۋە قوللىغۇچىسى رۇسىيەنىڭ ئىدلىبكە قىلىۋاتقان قويۇق ھۇجۇملىرى ئالدىنقى كۈنى بىرئاز پەسەيگەنىدى.

ئىگىلىنىشىچە، تۈركىيە بىلەن رۇسىيەنىڭ كاپالەتچىلىكى ئاستىدىكى ئاستانا باسقۇچىدا سۈركىلىشنى ئازايتىش رايونى بولغان ئىدلىبتە سۈرىيە ئارمىيەسى ۋە ئۇنىڭ قوللىغۇچىلىرىنىڭ يېقىنقى ھەپتىلەردە بارغانسېرى كۆپىيىپ كەتكەن ھۇجۇملىرىدا مىڭلارچە كىشى ئۆي – ماكانلىرىدىن ئايرىلىپ قالغان.