erdoghan t r t bash mudiri ibrahim eren we t r t xizmetchilirige teselliy berdi

türkiye awazi radiyosi xewiri: jumhur reis rejep tayyip erdoghan, türkiye radiyo – téléwiziye idarisi (t r t) ning inglizche qanili TRT World ning engliyediki merkizige bölgünchi térrorluq teshkilati p k k terepdarlirining hujum qilghanliqi munasiwiti bilen, t r t bash mudiri ibrahim ereb we t r t mensuplirigha teselliy tileklirini yetküzdi.

jumhur reis erdoghan hujum munasiwiti bilen t r t bash mudiri ibrahim eren bilen téléfonda körüshüp, p k k terepdarlirining hujumi munasiwiti bilen t r t bash mudiri ibrahim ereb we t r t mensuplirigha teselliy tileklirini yetküzdi.

bölgünchi térrorluq teshkilati p k k terepdarliri, tünügün  TRT World  qanilining engliyening paytexti londondiki merkizige hujum qilghanidi.

50 etrapidiki térror teshkilati terepdari t r t world qanilining Gray's Inn kochisidiki merkizi binasining kütüwélish zaligha kirgen, térrorluq teshkilati kattibéshi abdullah öjalanning resimliri bilen teshkilatqa simwolluq qilidighan lata parchisini kötürüwalghan mezkur guruppa, kütüwélish zalini bir saet etrapida igiliwalghanidi.

bixeterlik tosuqliridin ötelmigen térrorluq teshkilati terepdarliri, engliye saqchiliri teripidin binaning sirtigha chiqiriwétilgenidi.

weqede t r t xizmetchiliri yaki ishxana ziyangha uchrimighanidi.

térrorluq teshkilati terepdarliri buningdin burunmu yawropada türklerning ish orunliri bilen jamelerge hujum qilghan, bezi chet el médiya organlirining ishxanilirigha basturup kirgenidi.

p k k  engliyede térrorluq teshkilatliri tizimlikidin orun alsimu, engliye saqchilirining teshkilat terepdarlirigha kengchilik bilen muamile qilghanliqi körülmekte.

engliyening térrorizmgha qarshi küresh qanunigha asasen, térrorluq teshkilati tizimlikidiki bir teshkilatqa simwolluq nersilerni kötürüp yürüsh jinayet hésablinidighan bolup, jawabkarlargha 10 yildin töwen qamaq jazasi bérilidu.