türk qizilay saxawet orgini yemen xelqige qildi
türk qizilay saxawet orgini yemendiki musapirlargha 2400 yéshik yémek-ichmek yardem qildi.
türkiye awazi radiyosi xewiri: türk qizilay saxawet orgini yemenning marib we ubye sheherliridiki musapirlargha 2400 yéshik yémek-ichmek yardem qildi.
türk qizilay saxawet orginining yemendiki wekili muhemmed el hammadi, türk qizilay saxawet orgini xadimlirining yemendiki musapirlargha yémek-ichmek tarqitip bergenlikini éytti.
yemendiki qizilay saxawet orgini heyiti bashliqi mustafa aydin, ötken charshenbe küni 11ming yéshik yémek-ichmekni tarqitish xizmitining marib shehiridin bashlighanliqini, yemenliklerge texminen 440 tonniliq yardem buyumining 30-aprélghiche tarqitilidighanliqini bildürgenidi.
türkiye bezi ammiwi teshkilatlarning wastisi arqiliq yemendiki ichki urush tüpeyli yurt-makanliridin ayrilip qalghan musapir we namrat aililerge yardem qilip kelmekte.
uzundin buyan siyasiy muqimsizliqqa sehne bolup kéliwatqan yemende,shie husiy küchliri bilen hökümet armiyesi toqunushmaqta.
shie husiy küchliri 2014-yili séntebirdin buyan paytext sena qatarliq bezi jaylarni tizgini astida tutup kéliwatqan bolsa, seudi erebistan bashchiliqidiki xelqara ittipaqdash qisimliri 2015-yili mart éyidin buyan shie husiy küchlirige qarshi hökümetni qollap kelmekte.
yemen acharchiliq, xoléra, toqunush we hawa hujumliri netijiside kélip chiqqan éghir insaniy tiragédiyege sehne bolmaqta we bu tiragédiyening bedilini bigunah xelqla tölimekte.
مۇناسىۋەتلىك خەۋەرلەر
iraq we süriyede 75 térrorchi bir terep qilindi
iraq we süriyening shimalida térrorchilargha ejellik zerbe bérilmekte.