erdoghan yehudiylarning bayrimini tebriklidi
jumhur reis rejep tayyip erdoghan türkiyediki yehudiylarning «xémirsiz bayrimi» ni tebriklidi.
türkiye awazi radiyosi xewiri: jumhur reislik sariyi axbarat wasitiliri bashqarmisining bildürüshiche, jumhur reis rejep tayyip erdoghan musewilik étiqadidiki muhim diniy bayramlardin biri bolghan pesah munasiwiti bilen, türkiyediki yehudiylarning «xémirsiz bayrimi» ni tebriklep mundaq dégen: «tinchliq hem barliq diniy étiqadlargha hörmetni asas qilidighan, özara söygü we hörmet asasida tereqqiy qilghan, özgiche qimmetliri bilen meniwi bayliqini béyitqan ammiwi qurulmimiz, yimirilmes birlik we barawerlikimizning tayanch menbesidur. bu angni chiqish nuqta qilip, xelqimizning ichidiki herbir millet we guruppining özlirining diniy étiqadi, örp - adetliri we enenilirige asasen erkin yashishigha nahayiti zor ehmiyet bérimiz. bayramlar munasiwiti bilen, tinchliq ichide birlikte yashap kéliwatqan yehudiy puqralirimizni öz ichige alghan barliq yehudiylarning <xémirsiz bayrimi> ni qizghin tebrikleymen, ulargha tinch – amanliq tileymen we chongqur salam yollaymen.»