erdoghan krémil sariyida putin bilen körüshti
türkiye jumhur reisi rejep tayyip erdoghan türkiyening rusiye bilen, bolupmu süriyede bésilidighan qedemlerning muhim ehmiyetke ige ikenlikini éytti.
türkiye awazi radiyosi xewiri: türkiye jumhur reisi rejep tayyip erdoghan 8-qétimliq türkiye-rusiye yuqiri derijilik kéngishi yighinini emelge ashurush üchün, moskwadiki krémil sariyida rusiye pirézidénti wladimir putin bilen körüshti.
rejep tayyip erdoghan körüshüshtin burun élan qilghan bayanatida, rusiye bilen, bolupmu süriyede bésilghan qedemlerni we bésilidighan qedemlerning muhim ehmiyetke ige ikenlikini bildürüp: «yene bir muhim qedem bolsa, hazirning özide rayondiki térrorluq heriketlirige qarshi hemkarliq ichide basqan qedemlirimizdur» dédi.
u körüshüshlerde ikki dölet otturisida 13 kélishimning imzalinidighanliqini bildürüp, ikki dölet otturisidiki soda omumiy hejimining %15 ashqanliqini, nishanlirining bolsa bu reqemni 100 milyard dollargha yetküzüsh ikenlikini qeyt qildi.
rusiye pirézidénti putin türkiye bilen köp tereplik munasiwetlerning, bolupmu iqtisadiy sahede tereqqiy qilghanliqini memnunluq bilen közitiwatqanliqlirini bildürdi.
pirézidént putin türkiye bilen rusiye otturisidiki soda omumiy hejimining 35 milyard dollargha yetkenlikini qeyt qildi. u: «türkiye bilen xelqaraliq munasiwetlerde we dunyawi mesililerde zich hemkarliqimiz bar» dédi.
ikki rehberning uchrishishidin kéyin, 8-qétimliq yuqiri derijilik hemkarliq kéngishining yighini échilidu.
