erdoghan xelqqe rehmet éytti

jumhur reis rejep tayyip erdoghan, bu qétimqi yerlik saylamda jumhur ittipaqini birinchi qilghan xelqqe rehmet éytti.

1174364
erdoghan xelqqe rehmet éytti

türkiye awazi radiyosi xewiri: jumhur reis rejep tayyip erdoghan, bu qétimqi yerlik saylamda adalet we tereqqiyat partiyesi bilen milliyetchi heriket partiyesi teripidin qurulghan jumhur ittipaqini birinchi qilghan xelqqe rehmet éytti.

erdoghan enqerediki adalet we tereqqiyat partiyesi binasi aldigha yighilghan xelqqe xitab qildi.

jumhur ittipaqi we türkiyege ige chiqqan xelqqe bolupmu kürtlerge alahide rehmet éytqan erdoghan, yerlik saylamda ghelibige érishkenlernimu tebriklidi.

utturup qoyghan rayonlarda «xelqning qelb töridin orun alalmighanliqliri»ni bildürgen erdoghan, partiyesining kemchilliklirini tügitish üchün tirishchanliq körsitidighanliqlirini éytti.

siyasetni xelqqe qarshi turidighan yaki xelqni kemsitidighan waste süpitide emes, xelqqe xizmet qilidighan waste süpitide köridighanliqlirini éytqan erdoghan, buningdin kéyinmu siyasetke mushu teriqide muamile qilidighanliqlirini bildürdi.

jumhur reis rejep tayyip erdoghan, 2023-yilghiche saylam bolmaydighanliqini eskertip: bu  pursettin eng ünümlük shekilde paydilinimiz, hel  qilishqa tégishlik nurghun mesile bar, bularni hel qilish üchün tirishimiz, dédi.



مۇناسىۋەتلىك خەۋەرلەر