türkiye mozambikqa yardem qildi
türkiye kelkün apitige uchrighan afriqa döletliridin mozambikqa yardem qildi.
türkiye awazi radiyosi xewiri: türkiye boran-chapqun apitige duch kelgen mozambikqa yardem qildi.
apet we jiddiy ehwallargha taqabil turush bashqarmisi teripidin teshkillengen türkiye yardem orunliri xadimliri yardem buyumliri yetküzüsh we izdesh-qutquzush xizmetlirige qatnishish meqsitide, boran-chapqun we kelkün apitige duch kelgen mozambikqa yétip keldi.
yardem orunliri xadimliri türkiyening mozambik elchisi zeynep qiziltan we mozambik mesulliri teripidin kütüwélindi.
elchi qiziltan afriqada meydangha kelgen iday boran-chapquni keltürüp chiqarghan apetning mozambikqa éghir ziyanlarni élip kelgenlikini éytti.
qiziltan türkiyening mozambikke yardem qilghan asasliq döletlerdin biri ikenlikini éytip, deslepki qedemde türkiye hemkarliq we kordinatsiye agéntliqi teripidin 600 aile üchün yardem buyumliri teyyarlanghanliqini bildürdi.
türkiye yardem orunliri xadimliri maputode yardem xizmetlirini tamamlighandin kéyin, apet eng éghir ziyan salghan bériya shehirige yétip keldi.
jenubiy afriqa döletliridin mozambik, zimbabwé we malawide qatarliq döletlerde ötken hepte meydangha kelgen boran-chapqun we shiddetlik höl-yéghin keltürüp chiqarghan kelkün apiti tüpeyli qaza qilghanlarning sanining 700ge yetkenliki bildürülgenidi.
