erdoghan yéngi zélandiyediki musulmanlargha xitab qildi
jumhur reis rejep tayyip erdoghan yéngi zélandiyediki musulmanlargha xitab qildi.

türkiye awazi radiyosi xewiri: chrischorch shehiridiki ikki jamege qilinghan térrorluq hujumida shéhit bolghan musulmanlarning aile tawabiatliri hem yéqin – yoruqlirilirini yoqlap yéngi zélandiyegha barghan tashqi ishlar ministiri mewlüt chawushoghlu bilen muawin jumhur reis fuat oktay, teziye jeryanida jumhur reis erdoghangha téléfon qildi. jumhur reis erdoghan téléfon arqiliq térrorluq hujumida hayatidin ayrilghanlarning aile tawabiatlirigha xitab qildi, hemde shéhit aililirige we musulmanlargha teziye bildürgen, yarilanghanlargha shipaliq tiligen halda mundaq dédi: «bu hergizmu melum bir shexsning öz aldighila qilghan hujumi bolmastin, eksiche teshkillik halda élip bérilghan térrorluq hujumidur. derweqe, buning shundaqliqi hemmige besh qoldek ayan.»
türkiye bixeterlik organlirining, ikki jameni qangha boyighan térrorchining türkiye qatarliq rayondiki 66 döletni aylanghanliqini éniqlap chiqqanliqini eskertken jumhur reis erdoghan, yéngi zélandiye hökümitidin bu mesilige jiddiy qarishini kütüwatqanliqlirini tekitlep mundaq dédi: «yéngi zélandiye gherb ellirige oxshash bu mesilige sel qarimasliqi lazim, buning nazuk bir mesile ikenlikini chongqur tonup yétip, tégi – tektidin éniqlap chiqishi kérek. bu pikrimni yéngi zélandiye waliysi patsi rédi bilenmu ortaqlashtim, térrorluq hujumlirining derdini köp tartqan we bu hujumlarda nahayiti köp xelqi shéhit bolup ketken bir dölet bolush süpitimiz bilen ortaq paaliyetlerni élip baralaydighanliqimizni éyttim.»
yéngi zélandiye we etrapidiki barliq musulmanlarning herrdaim qérindash ikenlikini eskertken jumhur reis erdoghan, rayonda eng qisqa waqit ichide ziyarette bolup, shéhit aililiri bilen yüzturane körishidighanliqini qeyt qildi.
jumhur reis erdoghan kéyin shéhitlargha dua qildi.