türkiye heyiti yéngi zélandiyediki musulmanlardin hal sorash üchün kirstchorch shehirige yétip bardi

muawin jumhur reis fuat oktay we tashqi ishlar ministiri mewlüt chawushoghlu yéngi zélandiyede tünügün ikki jamege qilinghan térrorluq hujumidin kéyin musulmanlardin hal sorash üchün yéngi zélandiyening kirstchorch shehirige yétip bardi.

1164952
türkiye heyiti yéngi zélandiyediki musulmanlardin hal sorash üchün kirstchorch shehirige yétip bardi
oktay-cavusoglu2.jpg
oktay-cavusoglu1.jpg

 

türkiye awazi radiyosi xewiri: 50 kishining jénigha zamin bolghan térrorluq hujumida yaridar bolghan zekeriya tuyanning dadisi we qérindishimu térrorluq hujumidin kéyin yéngi zélandiyege qarap yolgha chiqqan muawin jumhur reis fuat oktay we tashqi ishlar ministiri mewlüt chawushoghlu olturghan ayropilanda birlikte idi.

muawin jumhur reis fuat oktay we tashqi ishlar ministiri mewlüt chawushoghlu ayropilanda qurbanning ailisidin hal sordi we jumhur reis rejep tayyip erdoghanning salamini yetküzdi. 

fuat oktay bilen mewlüt chawushoghlu weqedin qattiq azablanghanliqini bildürüp, türkiye dölitining yaridarlarning ehwalini yéqindin teqib qiliwatqanliqini we her türlük imkaniyetlerni yaritip bergenlikini bildürdi.

türkiye heyiti istanbuldin kirstchorch  shehirige bérish üchün texminen 19 yérim saetlik biwaste ayropilan sepiri qildi. bu uchush dunya ammiwiy awisatsiye tarixining eng uzun biwaste uchushi bolup tarixtin orun aldi.

fuat oktay bilen mewlüt chawushoghluni türkiyening wélintonda turushluq bash elchisi ehmet ergin qarshi aldi. ete hujum yüz bergen jaylarni közdin kechürishi mölcherlenmekte. 

türkiye heyiti ete yaridar bolghanlarni ziyaret qilidu. musulmanlarning her qaysi wekilliri bilen körishidu. térrorluq hujumigha alaqidar yéngi melumatlarni ortaqlishish üchün axbarat élan qilish yighini chaqiridu.

yéngi zélandiye bash ministiri jakinda ardérnmu bayanatida, türkiye heyitining ziyaretke kelgenlikidin intayin memnun bolghanliqini bildürüp, «türkiyedin kelgen heyet musulmanlargha bolghan qollap quwwetlishini namayan qilish üchün keldi. buningdin intayin memnunluq hés qilmaqtimiz. türkiye asasliq köp sanliq nopusi musulman bir dölet, biz ularni kütimiz» dégen sözlerni ishletti.  



مۇناسىۋەتلىك خەۋەرلەر