jumhur reis erdoghan «xelqara xanim - qizlar bayrimi» ni tebriklidi

türkiye awazi radiyosi xewiri: jumhur reis rejep tayyip erdoghan bayanatida, pütkül dunyada ayallarning zorawanliqqa we bésimgha duch kéliwatqanliqini tekitlep mundaq dédi: «biz, ayallarning ayal bolghanliqi üchünla suyiistémal qilinishqa duch kélishige dawamliq qarshi chiqip kéliwatimiz, ularning heq – hoquqlirini qolgha keltürüsh kürishide hemishe ular bilen billimiz.»

pütkül sahelerde ayallarning salahiyitini heq we adalet asasida yükseldürüsh meqsitide xizmet ishlewatqanliqlirini qeyt qilghan erdoghan, 2023 – yilliq istiratégiyelik nishanliri dairiside ayallarning kishilik ornini her jehettin yükseldürüsh iradilirining qetiylikini eskertip mundaq dédi: «naheqchilik, adaletsizlik we ayrimliq aldida hemishe ayallarning yénidin orun élish, her bir kishining muqeddes burchidur.  méhnetliri, emgekliri, söygü bilen tolup tashqan pak yürekliri  bilen dunyamizning hösinige hösn qoshuwatqan,  dunyamizni yashighili bolidighan halgha keltürüwatqan, insaniyetke ümid chirighi yanduruwatqan xanim - qizlirimizning <8 – mart xelqara xanim - qizlar bayrimi> künini qizghin tebrikleymen.»