chawushoghlu: süriye mesilisige siyasiy chare tépish üchün küch chiqiriwatimiz
türkiye jumhuriyiti tashqi ishlar ministiri mewlüt chawushoghlu, süriye mesilisige siyasiy chare tépish xizmetlirini kücheytkenliklirini éytti.
türkiye awai radiyosi xewiri: aghrida xelqke xitab qilghan ministir chawushoghlu, süriye mesilisige chare tépish üchün tirishiwatqanliqlirini tekitlidi we sözini dawamlashturup, «barliq qoshnilirimizning yaxshiliqi üchünmu xizmet qiliwatimiz. süriyede urush toxtitish bilen birlikte siyasiy chare tépish tirishchanliqlirimizni kücheyttuq. asasiy qanun komitéti bilen birlikte yéngidin ilgirilesh hasil qilimiz. süriyening zémin pütünlüki we chégra pütünlükimu nahayiti muhim, türkiye buninggha alahide köngül bölidu» dédi.
süriyede térrorizmgha qarshi küresh qiliwatqanliqlirini bildürgen chawushoghlu, «u rayonda qalghan térrorchilarning tazilinishi bilen süriyemu inshaallah bixeter bir dölet bolidu, sodisimiz küchiyidu» dégenlerni qeyt qildi.
türkiyediki süriyeliklerning asta – asta döletlirige qaytishqa bashlighanliqini tekitligen chawushoghlu, «320 ming etrapida süriyelik (türkiye armiyesi herbiy heriket élip barghan) firat qalqini we afrin rayonigha qaytti. türkiyede yashaydighan 300 mingdin artuq süriyelik kord qérindishimiz bar, ularmu qaytishni xalaydu» dédi.
