мәвлүт чавушоғлу америка билән башқурулидиған бомба сетивелишни музакириләшти
ташқи ишлар министири мәвлүт чавушоғлу америка билән вәтәнпәрвәр башқурулидиған бомба һава мудапиә системиси сетивелиш үчүн музакирә өткүзгәнликини ейтти.
түркийә авази радийоси хәвири: мәвлүт чавушоғлу түнүгүн әскишәһирдә тарқитилидиған бир йәрлик телевизийә пирограммисиға қатнишип, америкиниң вәтәнпәрвәр башқурулидиған бомба һава мудапиә системисини сетивелишниң «S-400» системисини сетивелишиға һечқандақ тәсир көрсәтмәйдиғанлиқини қәйт қилиди.
«S-400» басқурулидиған бомба системисиға алақидар музакириләрниң ахирилашқанлиқини вә келишимниң имзаланғанлиқини әскәрткән чавушоғлу, «бу йилниң ахирилириға йеқин, күздә тапшуруп алимиз. биз америкиниң вәтәнпәрвәр башқурулидиған бомба һава мудапиә системисини сетивалалмиғанлиқимиз үчүн «S-400» ни алдуқ. бүгүнгә қәдәр вәтәнпәрвәр башқурулидиған бомба һәққидә 2 йил илгири йазған мәктубимизға америкидин бу қетим иҗабий җаваб кәлди. музакириләр башланди. бизниң һава мудапиә системисиға еһтийаҗимиз бар. әтрапимизда җиддий хәвпләр вә тәһдитләр мәвҗут. башқурулидиған бомба тәһдитиму бар. шуңа дөлтимизниң һава мудапиә саһәсини қоғдашқа мәҗбурмиз» деди.
мәвлүт чавушоғлу вәтәнпәрвәр башқурулидиған бомба системисини сетевелалиши үчүн баһа талишиш вә музакрләрдә ортақ бир нуқтиға келиш керәкликини алаһидә тәкитләп, «"мән сетишни халаймән, бирақ мениң шәртим асасида сатимән" дейишкә болмайду. бу хил системиларниң мәлум қиммити бар. түркийәниңму шуниңға йариша шәртлири бар. америкиниң шәрт қошуши муһим әмәс. иккинчидин әң муһими америка өз палатасиниң тәстиқини елиши керәк. буниңғиму капаләтлик қилиш лазим. бүгүнгә қәдәр биз америкидин адәттики қоралларни сетивелиштиму қейинчилиқларға учрап кәлдуқ. вәтәнпәрвәр башқурулидиған бомба вә башқа мәсилиләрниму һәрқандақ дөләт билән олтуруп сөһбәтлишимиз. келишәлисәк, мәнпәәтимизгә уйғун болса, сетивалимиз» деди.
