türkiye, pakistan - hindistan sürkilishige chare tépishqa hesse qoshushni xalaydighanliqini bildürdi

türkiye awazi radiyosi xewiri: türkiye jumhuriyiti tashqi ishlar ministiri mewlüt chawushoghlu, hindistan – pakistan yirikchiliki toghrisida bayanat berdi.

sürkilishni ulghaytiwétidighan qedemlerni tashlashtin saqlinishning zörürlükini tekitligen mewlüt chawushoghlu, türkiyening jiddiychilikni peskoygha chüshürülüshige herdaim hesse qoshushni arzu qilidighanliqini eskertti we sözini dawamlashturup, «jiddiychiliktin endishe qiliwatimiz, tereplerni soghuqqan bolushqa chaqirimiz. jiddiychilikni peskoygha chüshürüshke hesse qoshushni arzu qilimiz. buni pakistanghimu bügün etigen yetküzduq» dédi.

ikki dölet arisida yüz bergen keshmir mesilining waqtida hel qilinishi kéreklikini bildürgen chawushoghlu, afghanistanning weziyitigimu isharet qilghan halda, «afghanistan eslidinla köpligen qiyinchiliqlar tartiwatidu, ikki qoshna (hindistan – pakistan) arisidiki sürkilishning tesirige uchrimasliqi kérek. bizmu türkiye bolush süpitimiz bilen bu mesilige sezgür qaraymiz» dédi.

ministir chawushoghlu, hindistan bilen hazirghiche bu mesile toghrisida birer alaqining ornitilmighanliqini eskertip, «biz diyalog ötküzüshke ochuqmiz, elwette hindistan bilenmu bu heqte körüshüshni xalaymiz» dédi.