erdoghan tramp bilen ötküzgen téléfon söhbiti toghrisida toxtaldi

jumhur reis rejep tayyip erdoghan, 31 – marttin kéyin amérika qoshma ishtatlirida ziyarette bolush éhtimalining barliqini éytti.

1151341
erdoghan tramp bilen ötküzgen téléfon söhbiti toghrisida toxtaldi

türkiye awazi radiyosi xewiri: jumhur reis erdoghan bir xususiy téléwiziye qanilining küntertipke alaqidar soallirigha jawab bergende, mushu hepte ichide amérika pirézidénti donald tramp bilen ötküzgen téléfon söhbiti toghrisidimu toxtaldi.

erdoghan, mezkur téléfon söhbitide trampning özini teklip qilghanliqini eskertip, «menmu uninggha <aldi bilen men sizni kütüwatimen> dédim. 31 – marttin kéyin belki washingtonda ziyarette bolup qélishim mumkin, belki u türkiyede ziyarette bolushi mumkin» dédi.

jumhur reis erdoghan, süriyede tesis qilinishi pilanliniwatqan bixeter rayon mesiliside tramp bilen mueyyen nuqtigha kelgenliklirini bildürüp, «bixeter rayon bizning istratégiyelik chüshenchimizning sirtidiki bir jaygha kétip qalsa, buni qobul qilishimiz mumkin emes. chünki, bizning chégrayimizda bir bixeter rayon bolidighan bolsa, u bizning kontrolluqimizda bolidu» dédi.

afrin, jerablus we elbabda ornitilghan xatirjemlik we muqimliqning chégra rayonimizdimu ornitilishi kéreklikini tekitligen erdoghan, «amérikining süriyedin chékinish qararining döletlirimizning menpeetliri bilen süriyening zémin pütünlüki - bu nahayiti muhim – we siyasiy birlikige zit özgirishlerni keltürüp chiqarmasliqi bizge nisbeten muhim orun turidu. chékingendin kéyin peyda bolidighan boshluqning térrorluq teshkilatlirigha nisbeten bixeter rayongha aylinip qélishigha roxset qilmaydighanliqimiznimu déduq» dégenlerni qeyt qildi.

munbich yol xeritisige alaqidar ikki mesilini yene bir qétim tekitlep ötken erdoghan, «birinchisi, yol xeritisini orundash musapisining téz sürette tamamlinishidur. téximu köp kéchikmestin munbichning p y d / y p g din tazilinishi türkiyege nisbeten bir xewpsizlik xewpsizlik mesilisige aylandi. ikkinchisi, hakimiyetning munbichke qarita qutratquchi heriketlirige, p y d / y p g ning hakimiyetni munbichqa sörep kirish tirishchanliqlirigha yol qoyulmasliqidur. mesile, keng dairilik chékinish pilani dairiside elwette muzakire qiliniwatidu. mueyyen waqit kütimiz, bu ish bolsa boldi, bolmisa, bir kéche toyuqsizla kélishimiz mumkin» dégenlerni sözlirige ilawe qildi.  



مۇناسىۋەتلىك خەۋەرلەر