erdoghan sherqiy aq déngizda néfit qidirip tekshürüshni toxtatmaydighanliqini jakarlidi
jumhur reis rejep tayyip erdoghan türkiyening sherqiy aq déngizda néfit qidirip tekshürüsh paaliyetlirini toxtatmaydighanliqini éytti.
türkiye awazi radiyosi xewiri: jumhur reis rejep tayyip erdoghan enqere altintagh qarapurchek qaraoghlu baghchisida ötküzgen kolléktip échilish murasimidiki sözide, türkiyening sherqi aq déngizda néfit qidirip tekshürüsh paaliyetlirige qilinghan tenqidlerge inkas qayturdi.
erdoghan: «dölitimiz shimaliy qibris türk jumhuriyitidiki qérindashlirimizning énérgiye menbeliri üstidiki heq – hoquqlirini qoghdashtin waz kechmeydu. xizmetlirimizni axirighiche dawamlashturup, inshaallah millitimizge shunche séghinish ichide kütüwatqan xushxewerni yetküzimiz» dédi.
jumhur reis rejep tayyip erdoghan, «hazir küntertipimizde chégra rayonlirimizda bixeter rayon qurush mesilisi bar» dégenni eskertti we türkiyede yashawatqan 310 ming süriyelik panahlanghuchining yurtlirigha qaytqanliqini bildürdi.
