erdoghan: amérika fethullahni qayturup bérish arqiliq dostluqini körsitishi lazim

jumhur reis rejep tayyip erdoghan amérikining fethullahchi térrorluq teshkilati katiwishini qayturup bérish arqiliq dostluqini namayan qilishi kéreklikini éytti.

erdoghan: amérika fethullahni qayturup bérish arqiliq dostluqini körsitishi lazim

 

türkiye awazi radiyosi xewiri: erdoghan bir xususiy téléwziye qanilining ortaq tarqitish pirogrammisida, küntertiptiki mesililer üstide toxtaldi.

erdoghan 2016yili 15iyuldiki herbiy siyasiy özgirish qozghash urunushigha jawabkar fethullahchi térrorluq teshkilati katiwishining amérikida hémaye qiliniwatqanliqigha naraziliq bildürdi.

dölitimizde fethullahchi térrorluq teshkilatigha alaqidar maqullanghan shunche qararlar bar we biz amérikigha 85 baghlam höjjet yolliduq. mana bular otturida turidu. qéni amérika fethullahni peqetla dölitidin qoghlap chiqirip, qayturup bersun, dostluqimizni körüp baqayli! bu mesile bizning amérika bilen bolghan yérikchiliklirimizni ashurmaqta» dédi.

erdoghan amérika pirézidénti donald trampning «24 saet ichide süriye mesilisi heqqide bayanat élan qilimen» dégen sözlirining daéshqa alaqidar bolushi mumkinlikini tekitlep, «tramp "daéshqa qarshi zeperni qolgha keltürduq" déyishi, yeni zeper élani bolushi mumkin. démismu süriyede daésh dégen nerse qalmidi. peqet uwaq qalduqlirila qaldi» dédi.

erdoghan atalmish 1915yili weqelirige alaqidar türkiyege töhmet chaplighan firansiye pirézidénti makrongha qattiq naraziliq bildürüp, firansiyening qilghan irqiy qirghinchiliqlirini bir - birlep anglatti.

erdoghan makrongha: «öz tarixingni ögengin!» dep chaqiriqta boldi we: «makrongha dédimki, sen téxi siyasette bekla yéngi. sen bularni (yeni firansiyening qirghinchiliq tarixini) ögen. mana hazir men sanga tarixtin ders bériwatimen. sen aldi bilen bu ishliringni hel qilghin. bizning tariximizda irqiy qirghinchiliq yoq. birinchi bolup bu ishning tarixini bilgin. erméniyler bizning dölitimizde héchqachan irqiy qirghinchiliqqa uchrap baqmidi. hazirmu türkiyede 100 ming ermeniy puqrayimiz bar» dédi.

jumhur reis rejep tayyip erdoghan seudi erebistanliq zhurnalist jemal qashiqchi jinayitige dair xelqaraliq tekshürüsh élip bérilishi kérekliki heqqidiki chaqiriqinimu tekrarlidi.

yéngi deliler barliqini tekitligen erdoghan: «biz qolimizdiki pakitlarning hemmisini berginimiz yoq. jinayetni ötküzgenlerning birsi "men késishni yaxshi bilen" deydu. kéyin bilduqki, bu kishi edliye doxturi iken. emdi mana bular otturida turghan yerde, yene némini mexpiy tutmaqchi? bu neyze taghargha patmaydu» dédi.

 

 

 



مۇناسىۋەتلىك خەۋەرلەر