türkiyege hujum qilghanlar eng éghir bedel töleydu

türkiye awazi radiyosi xewiri: jumhur reis rejep tayyip erdoghan türkiye soda-sanaetchiler we pay chéki bazarliri birleshmisining qosh munar konférans zalida ötküzülgen iqtisad shurasi yighinida muhim söz qildi. u mundaq dédi:

«térrorluq teshkilati daésh qatarliq y p g, p y d ning hemmisi éghir bedel töleydu. shuning üchün héchkim bizni biaram qilishqa urunmisun. beziliri siyaset yoli bilen, beziliri jeng meydanida qoral bilen, yene beziliri üstelde diplomatiye arqiliq türkiyeni özining kallisidiki tar qilipqa kirgüzüsh üchün bar küchi bilen tirishiwatidu. biraq, u künler kelmeske ketti.»

u amérika, rusiye we bashqa döletler bilen bolghan uchrishishlarning özara chüshinish ichide netijilinishini arzu qilidighanliqlirini bildürüp, sözini mundaq dawamlashturdi:

«biraq bu, saqlap yétish, közimizning aldida élip bériliwatqan teyyarliqlarning netijilinishini kütüp qarap turush, dégenlik emes. mana biz hazir chégralarda turuwatimiz, pütkül küchimiz bilen u yerlerde turuwatimiz. eng yéqin yerde turup özgirishlerni közitip turuwatimiz. bizge bérilgen wedilerge emel qilinsa we bu musape küchke ige bolsa nahayiti yaxshi. eger undaq bolmisa, teyyarliqlirimizni keng kölemde pütküzduq, özimizning istratégiyesi toghrisida qilishqa tégishlik qedemlerni bésishni bashlaymiz.»

u firat deryasining sherqide tesis qilinishi küntertipke kelgen «bixeter rayon» heqqidimu toxtaldi. u: «dölitimizge qarshi yéngi térrorluq uwisigha aylinidighan bixeter rayonning tesis qilinishigha qetiy yol qoymaymiz. bixeter rayon teklipimiz, térrorluq teshkilatlirini türkiyening kontrolluqida chégralirimizdin yiraqlashturush meqsitige ige» dédi.