türk hawa yolliri (awiatsiye)shirkiti xelqaraliq mukapatqa érishti

türkiye awazi radiyosi xewiri: dunya boyiche eng köp dölet we rayongha seper qilidighan türk hawa yolliri (awiatsiye)shirkiti, amérikadiki « dunya sayahiti»médiyasi teripidin uyushturulghan mukapat murasimida üch mukapatqa biraqla érishti.

amérikaning kaliforiniye ishtatigha qarashliq béwérliy hilis shehiride ötküzülgen mukapat murasimida «eng yaxshi qurulmiliq sayahet pirogrammisi»katégoriyesi boyiche, türk hawa yolliri (awiatsiye)shirkiti «sodiger yoluchilargha nsibeten eng yaxshi awiatsiye shirkiti» we «eng yaxshi ayrodurum xadimi»qatarliq mukapatlargha érishti.

bu yil 15-qétimliqi ötküzülgen médiya ray sinash paaliyitige 22mingdin artuq sayahetchi, 80din artuq katégoriye boyiche eng yaxshi shirketlerni bahalap chiqish üchün qatnashti.

murasimda «eng yaxshi qurulmiliq sayahet pirogrammisi»mukapatini türk hawa yolliri (awiatsiye)shirkitige wakaliten, qurulmiliq bazar we mulazimet bölümi bashliqi mert dorman tapshurup aldi, «sodiger yoluchilargha nisbeten eng yaxshi awiatsiye shirkiti we «eng yaxshi ayrodurum xadimi»mukapatini bolsa türk hawa yolliri shirkitining los anjélés tarmiqi mudiri ersen engin tapshuruwaldi.  

dunya boyiche kölimi eng chong qurulmiliq sadaqet pirogrammiliridin biri bolghan türk hawa yolliri shirkiti kulubi, ezalirigha alahide imtiyazlar bérip kélishtin sirt, organlarghimu ela mulazimetlerni qilip kelmekte.

pirogramma dairiside kulub ezaliri bélet, orunduq, yük qatarliq türlük étibar bahalardin paydilinalaydu.

awiatsiye saheside xelqarada aldinqi qatarda turidighan türk hawa yolliri shirkiti 124 dölettiki 300din artuq rayongha qatnaydu.

türk hawa yolliri shirktii amérika qitesidiki 17 sheherni istanbuldin üch saettin qisqa waqit ichide 40tin artuq döletke tutashturalaydu.