erdoghan kishilik hoquq küni munasiwiti bilen muhim söz qildi
türkiye jumhur reisi rejep tayyip erdoghan kishilik hoquqni aghzidin chüshürmeydighan gherb döletlirining, firansiyediki namayishlargha, kor, gas we gacha boluwalghanliqini éytti.
türkiye awazi radiyosi xewiri: jumhur reis rejep tayyip erdoghan adalet we tereqqiyat partiyesi (AK Parti) ning bash merkizide, dunya kishilik hoquq küni munasiwiti ötküzülgen «insaniyetning medeniyiti» namliq pirogrammida söz qildi.
jumhur reis rejep tayyip erdoghan 2013-yili istanbulda yüz bergen gezi baghchisi namayishlirida muhit qoghdash bahanesige ching islghanlarning we kochilar weyran qilinip, ot qoyup bérilgende jimjit qarap turghan kishilik hoquqni qoghdash tonigha orunuwalghanlarning, bügün firansiyede yüz bergen namayishlargha we saqchilarning zorawanliqigha awaz chiqarmighanliqini bildürdi.
u firansiyediki namayishlar üstide toxtilip: «gezi namayishlirida dunyani astin-üstün qildinglar, néme üchün? bu yer türkiye bolghanliqi üchünmu? qéni emise oxshash shekilde xewer tarqitinglar» dédi.
u: «türkiyede milyonlarche musapir dolquni otturigha chiqqanda bizni chégralirimizni échishqa teklip qilghanlar, özining zéminigha qarap yüzlengen oxshash musapirlarni, tam, tikenlik sim qatarliq eng qattiq tedbirler bilen qarshi aldi. kishilik hoquq qoghdighuchisi kim? bizmu, ularmu?» dédi.
«emdi héchkim dölitimizge démokratiye, kishilik hoquq we erkinlik dersi bérishke pétinalmaydu» dégen jumhur reis rejep tayyip erdoghan, sözini mundaq dawamlashturdi:
«peqet 2016-yili 15-iyul yüz bergen herbiy-siyasiy özgirish qozghashqa körsitilgen muamile bilen sheherlirimizde kütüwalghan milyonlarche musapirgha körsitilgen qérindashliq, bizni kishilik hoquq we démokratiye mesiliside aqlashqa yétidu. bundin kéyin démokratiye we kishilik hoquq dégen waqitta, mesile izdilidighan yer türkiye emes.»
