türkiye yawropa edliye mehkimisige naraziliq bildürdi
türkiye bölgünchi térrorluq teshkilati p k k liq térrorchilar mesiliside yawropa edliye mehkimisige naraziliq bildürdi.
türkiye awazi radiyosi xewiri: türkiye tashqi ishlar ministirliqi bayanatchisi hami aqsoy, yawropa edliye mehkimisining bölgünchi térrorluq teshkilati p k k heqqide chiqarghan qarari toghruluq élan qilghan bayanatida, p k k ning bölgünchi térrorluq teshkilati ikenlikini, shunga xelqara jemiyet teripidinmu dawamliq térrorluq teshkilatigha uyghun muamile köridighanliqini eskertish bilen bir waqitta, p k k ning térrorluq teshkilati süpitini yoshurush urunushlirining héchnémige esqatmaydighanliqini tekitlep mundaq dédi: «p k k bölgünchi térrorluq teshkilatidur, shunga xelqara jemiyet teripidinmu dawamliq térrorluq teshkilatigha uyghun muamile köridu.»
yawropa edliye mehkimisi bölgünchi térrorluq teshkilati p k k ning yawropa ittipaqining térrorluq teshkilatliri tizimlikide qélishini qararlashturghanidi.
bölgünchi térrorluq teshkilati p k k ning yawropa ittipaqi kéngishige qarshi sunghan erzi heqqide höküm chiqarghan yawropa edliye mehkimisining töwen qaniti, p k k ning 2014 – yildin 2017 – yilghiche bolghan ariliqta térrorluq teshkilatliri tizimlikide tutulushida pirinsip xataliqi barliqigha, biraq yéngi qarargha asasen, p k k ning yawropa ittipaqi kéngishining térrorluq teshkilatliri tizimlikide tuutlushi lazimliqigha höküm qilghanidi.