سويلۇ: ئىتتىپاقدىشىمىزنىڭ نېمە قىلىۋاتقانلىقىنى ئوبدان بىلىمىز

تۈركىيە ئاۋازى رادىيوسى خەۋىرى: ئىچكى ئىشلار مىنىستىرى سۇلايمان سويلۇ ئامېرىكا قوشما ئىشتاتلىرىنىڭ بۆلگۈنچى تېررورلۇق تەشكىلاتى پ ك ك نىڭ ئاتالمىش كاتتىباشلىرىدىن 3 تېررورچى توغرۇلۇق چىقارغان قارارى ھەققىدە ئېلان قىلغان باياناتىدا، مۇنداق دېدى: «ئىستىراتېگىيەلىك ھەمراھىمىز بولغان ئامېرىكا قوشما ئىشتاتلىرى، بىز بىلەن بىرلىكتە ھەرىكەت قىلىۋاتقان، 3 تېررورچىنى <تېررورچىلار تىزىملىكى> گە كىرگۈزۈش بىلەن بىر ۋاقىتتا، پەردە ئارقىسىدا، سۈرىيە ۋە ئىراقنىڭ ئالدىنقى سەپلىرىدە، پ ك ك بىلەن بىرلىكتە ھەرىكەت قىلىۋاتقان، <نېفىتنىڭ % 25 تى مېنىڭ بولىدۇ، % 75 تى سېنىڭ بولىدۇ> دەپ پايدا – مەنپەئەتنى قوغلىشىۋاتقان بىر دۆلەتتۇر. بۇ ئىككى يۈزلىمىچىلىكتىن، سەمىمىيەتسىزلىكتىن باشقا نەرسە ئەمەس. ئامېرىكا قوشما ئىشتاتلىرى قەيەردە، قايسى كۈنى، كىملەر بىلەن ھەمكارلىق ئورنىتىۋاتىدۇ، بۇنى ئوبدان بىلىمىز.»