numan qurtulmush jemal qashiqji jinayiti heqqide muhim uchurlarni berdi
numan qurtulmush bir konsulxana binasida sadir qilinghan jinayetning resmiy organlardin xewersiz yüz bérish éhtimali yoqluqini éytti.
türkiye awazi radiyosi xewiri: adalet we tereqqiyat partiyesi reisi wekili numan qurtulmush, türkiyening jemal qashiqji jinayitige tutqan pozitsiyesining xelqara jamaetchilik teripidin medhiye bilen teqib qilinghanliqini éytti.
numan qurtulmush paytext enqerede anadolu metbuatchilar jemiyiti ötküzgen paaliyette her qaysi médiya organliri wekilliri bilen bir yerge jem boldi. jemal qashiqji jinayiti üstide toxtilip, qashiqji öltürülgendin kéyin, türkiyening tolimu netijilik qedemlerni tashlighanliqini, tekshürüshni intayin ochuq – yoruq, inchike élip barghanliqini, seudi erebistan mesullirini hemkarlishishqa chaqirghanliqini eskertti.
numan qurtulmush, türkiyening jemal qashiqji jinayitige tutqan pozitsiyesining xelqara jamaetchilik teripidin medhiye bilen teqib qilinghanliqini bildürüp, «bu mesile qanuniy, déplomatik, siyasiy terepliridin bashqa yene, bashtin axirghiche insanperwerlikke munasiwetlik bir mesilidur. bundaq yawuzlarche, zalimane qarangghu jinayetning yüz bérishi, herqandaq bir siyasetning témisi bolush süpiti bilenmu inchike tekshürüshtin waz kechliki bolidighan mesile emes idi» dédi.
türkiyening qashiqji jinayitige munasiwetlik barliq höjjet, melumat we delil- pakitlarni waqti waqtida qarshi terepler bilen ortaqlishish arqiliq mesilining hel qilinishida pütün tégishlik mesuliyitini ada qilidighanliqini éytti.
numan qurtulmush bir konsulxana binasida sadir qilinghan jinayetning resmiy organlardin xewersiz yüz bérish éhtimali yoqluqini tilgha élip, seudi erebistan padishahliqining bu jinayetning pütün tepsilatlirini ottura chiqirish jehette, bash tartip bolalmas mesuliyiti barliqini bildürdi.
seudi erebistanliq zhurnalist jemal qashiqji 2 – öktebirde toy resmiyetlirini béjirish üchün seudi erebistan konsulxanisigha kirip ketkenche yoqulup ketken we pilanliq jinayetning qurbani bolghan idi.
