чәлик: рим вә герикләргә һәрқандақ шәкилдә һәрикәткә өтмәсликни тәвсийә қилимиз

адаләт вә тәрәққийат партийәси байанатчиси өмәр чәлик, гиретсийәниң деңиз тәвәликини қәдәмму қәдәм кеңәйтидиғанлиқи тоғрисидики даваларға дәп баһа бәрди.

1079441
чәлик: рим вә герикләргә һәрқандақ шәкилдә һәрикәткә өтмәсликни тәвсийә қилимиз

түркийә авази радийоси хәвири: байанатчи өмәр чәлик, партийәсиниң мәркизий иҗраийә оргини йиғинидин кейин бәргән байанати җәрйанида, гиретсийәниң деңиз тәвәликини қәдәмму қәдәм кеңәйтидиғанлиқи тоғрисидики давалар һәққидә тохтилип, «бу толиму хәтәрлик бир позитсийә» деди.

у, гиретсийәниң деңиз тәвәликини қәдәмму қәдәм кеңәйтиш йолидики кичиккинила қәдимигә түркийәниң әң қаттиқ шәкилдә җаваб қайтуридиғанлиқини әскәртти. түркийәниң, миллий бурғилаш парахоти фатиһниң ақдеңиздики тунҗи бурғилаш хизмити тоғрисидиму тохталған чәлик, «7.бөләк дейиливатқан район, бизниң деңиз тәвәликимиз ичидидур, қораллиқ күчлиримиз тәрипидин керәклик җаваб берилиду, фатиһ парахотиму күчлүк шәкилдә муһапизәт қилинмақта. гирек вә рим тәрипигә һәрқандақ шәкилдә һәрикәткә өтмәсликни тәвсийә қилимиз» дегәнләрни қәйт қилди.



مۇناسىۋەتلىك خەۋەرلەر