yildirim shiwéytsariyediki türkler bilen körüshüp muhim söz qildi

türkiye büyük millet mejlisi bashliqi binali yildirim, yawropada yashaydighan türklerning qimmet – qarashliri we milletning ar – nomusi mesiliside qetiy bel qoyuwetmesliki kéreklikini tekitlep ötti.

1068855
yildirim shiwéytsariyediki türkler bilen körüshüp muhim söz qildi

türkiye awazi radiyosi xewiri: shiwéytsariyede dölet ishliri ziyaritide bolghan binali yildirim, türkiyening bérndiki elchixanisida döletning herqaysi sheherliridin kelgen amma bilen didarlashti we ulargha xitab qilip, yawropadiki musapir türklerning özliri yashawatqan döletlerning tüzümlirige maslishishining muhimliqini, biraq qeyerde bolushliridin qetiynezer, musapirlarning ana wetenlirining türkiye ikenlikini tekitlep ötti.

chong medeniyetlerge ige bolushning éghir mesuliyetlerni ada qilishni teqezza qilidighanliqini bildürgen yildirim, «sharaitning qandaq bolushidin qetiynezer, qanchilik qiyinchiliq, qanchilik bésimlargha duch kélishinglardin qetiynezer, qimmet – qarashlirimiz, millitimiz ar – nomusi mesiliside qetiy ching turimiz. yawropa bilen munasiwetlirimiz buzulghan chaghdimu siler türkiye jumhuriyitining eng chong kapaliti siler» dédi.

türkiyege qarshi her türlük oyunlarning oynalghanliqini bayan qilghan yildirim, «bezide térror bilen, bezide iqtisadiy bésimlar bilen aldimizgha chiqishidu. bezide türkiyeni démokratiye, kishilik hoquq dégen nam astida bésimgha élishqa urunushup kélishmekte. sharaitning qandaq bolushidin qetiynezer, biz millitimizdin alghan küch bilen, silerdin alghan küch bilen eng güzel shekilde xizmetlirimizni dawamlashturimiz, kürishimizni dawamlashturimiz» dégenlerni qeyt qildi.

bash elchi saygili, türkiye büyük millet mejlisi bashliqi binali yildirim we hemrahliqidikilerning sheripige kechlik ziyapet berdi.

shiwéytsariyediki uchrishishlirini tünügün bashlighan yildirimning ziyaritining eng muhim qismini 139 – nöwetlik parlaméntlar ara birlik yighini teshkil qilidu.



مۇناسىۋەتلىك خەۋەرلەر