chawushoghlu iraq parlaménti bilen körüshti

türkiye awazi radiyosi xewiri: tashqi ishlar ministiri mewlüt chawushoghlu halbusi bilen körüshüp, jumhur reis rejep tayyip erdoghan we türk xelqining salimini yetküzdi. u tünügün (10-öktebir) jumhur reis rejep tayyip erdoghanning halbusini qobul qilghanliqini xatirilitip, körüshüshte ikki dölet otturisidiki su mesilisining muzakire qilinghanliqini bildürdi. u mundaq dédi:

«iraq türkmen aldinqi sépining bashliqi ershet salihi we heyitining enqere ziyaritide, su mesilisini muzakire qilghan iduq. hem halbusi hemde türkmenler su mesilisini tilgha alghanda, suni özi yashaydighan rayonlar üchün emes, belki bashqa rayonlar üchün telep qildi. bu bizni intayin xushal qildi. elwette bu chaqiriqlarni jawabsiz qalduralmayttuq. jumhur reisimiz mesile heqqide bizge yolyoruq berdi. xewpsizliktin iqtisadqiche iraq xelqini qollaymiz.»

u ziyaritining esli meqsitining, «iraqning ittipaqliqi we barawerlikining qoghdilishini qollash» ikenlikini qeyt qildi. u saylamdin kéyin iraqni ziyaret qilghanliqidin memnunluq hés qilghanliqini bildürüp: «inshaallah, iraqta hemmige quchaq achidighan, keng dairelik hökümet qurulidu. iraq parlaméntining döletning kélechiki heqqide muhim rol oynaydu dep oylaymiz.»

iraq parlamént bashliqi halbusi ministir chawushoghluning ziyaritining ikki dölet munasiwetlirining tereqqiy qilishigha hesse qoshidighanliqini bildürdi. u iraq bilen türkiye otturisida küchlük bolghan jughrapiyewi munasiwetlerning barliqini eskertip, ikki dölet munasiwetlirining barliq saheler boyiche küchiyishini ümid qilidighanliqini tilgha aldi.

halbusi térrorluq teshkilati daéshning hujumlirida döletning éghir ziyangha uchrighanliqini eskertip, iraqning asasiy ul-eslihesi we qaytidin qurush ishliri üchün türkiyedin yardem telep qildi.

tashqi ishlar ministiri mewlüt chawushoghlu iraq türkmen aldinqi sépining bashliqi ershet salihi, türkmen parlamént ezaliri we siyasetchiler bilen körüshti.

u yene, sabiq muawin pirézidént we qarar partiyesining rehbiri usame nujeyfi bilenmu körüshti. u iraq hökümitini teshkillesh wezipisige teyinlengen adil abdulmehdi we dölet hikmet éqimining rehbiri ammar el hékme bilenmu körüshti

chawushoghluning iraq pirézidénti berhem salihi, bash ministir heyder elibadi, bedir teshkilatining rehbiri hadi elamiri bilen körüshkendin kéyin, nejefke bérip sadr herikitining rehbiri muqteda essadir bilen körüshidu.

u nejefte hezriti elining qebrisini ziyaret qilidu.