yildirim atalmish «irqiy qirghinchiliq» dewalirigha jawab berdi

türkiye büyük millet mejlisi bashliqi  binali yildirim erméniyening pelipetish dewalarni toqup chiqirishqa xatime bérishi lazimliqini éytti.

1066093
yildirim atalmish «irqiy qirghinchiliq» dewalirigha jawab berdi

türkiye awazi radiyosi xewiri:  yildirim antalyada chaqirilghan «yawroasiyada iqtisadiy hemkarliq, muhit asrash we sijil tereqqiyat» témiliq yawroasiya elliri parlamént bashliqlirining 3 – nöwetlik yighinining yépilishida qilghan sözide, yighinda nahayiti muhim pikir – teleplerning otturigha qoyulghanliqini, nahayiti yaxshi bayanname hazirlanghanliqini, herqaysi döletlerning öz aldigha birqatar töhmetlerni toqup chiqishining yighinning nishanigha uyghun emeslikini, jümlidin erméniye wekilining yighinda bezi pelipetish dewalarni otturigha tashlighanliqini tekitlep mundaq dédi: «yighinda,  yer shari xaraktérlik kirizislerge chare izdiduq, rayonda we dunyada muqimliqqa nahayiti zor ehmiyet bériishning zörürlükini tekitliduq, bundaq bir yighinda heqiqetler burmilanghan banyanatlarni qobul qilishimiz esla mumkin emes. eger erméniye türkiye bilen bolghan munasiwetlirini rastla eslige keltürüshni xalisa, undaqta, bundaq pelipetish dewalarni kötürüp chiqmasliqi we atalmish <irqiy qirghinchiliq>  dewalirigha xatime bérishi kérek, tarixiy weqelerni tarixshunaslarning tetqiq qilip bir terep qilishigha qaldurushi lazim. erméniye özi tallighan yoli arqiliq öz – özini rayonda yétim qalduruwatidu. erméniye tinchliq siyasitini yolgha qoyghandila, andin munasiwetlirini normallashturush, jenubiy kawkaz rayonining tinchliqi, muqimliqi we parawanliqigha hesse qoshushta muweppeqiyetke érisheleydu. urush we zorawanliq tügep, tinchliq we muqimliq ornatqandila, andin köchmenler, musapirlar we qachqunlar mesililirining muhim bir qismini hel qilghili bolidu.»



مۇناسىۋەتلىك خەۋەرلەر