измир вә айдин вилайәтлиридә көчмәнләр тутулди
измирниң чәшмә наһийәси билән айдин вилайитиниң кушадаси (қуш арили) наһийәсиниң деңиз саһиллирида қанунсиз йоллар билән гиретсийәгә өтүп кәтмәкчи болған 93 көчмән тутулди.
1062526
түркийә авази радийоси хәвири: саһил бихәтәрлик хадимлири чәшмә наһийәсиниң алачати деңиз саһилида йәл қолвақ билән гиретсийә араллириға қарап маңған бир топ кишини байқиған вә дәрһал һәрикәткә өтүп, көпинчиси айаллар вә кичик балилардин тәшкилләнгән 40 көчмәнни тутқан.
айдин вилайити кушадаси наһийәсиниң саһил бихәтәрликини қоғдаш хадимлири доғанбәй әтрапида йәл қолвақ билән һәрикәт қиливатқан афғанистанлиқ 53 көчмәнни тутқан.
һәр икки һәрикәттә тутулған 93 көчмәнниң мунасивәтлик рәсмийәтлири беҗирилгәндин кейин вилайәтлик көч идарисиға тапшуруп берилгәнлики билдүрүлди.
