türkiye bakuning azad bolghanliqining 100 – yilliqini tebriklidi

türkiye awazi radiyosi xewiri: tashqi ishlar ministirliqi teripidin bu heqte élan qilinghan yazma bayanatta, mundaq déyildi: «bakuning azad bolghanliqining 100 – yilliqini tebrikleymiz, bakuni azad qilish yolida eziz jénini pida qilghan 1132 shéhidimiz bilen birlikte wetinini qoghdash yolida shéhit bolghan ezerbeyjanliq qérindashlirimizni cheksiz iptixarliq we hörmet tuyghusi ichide menggü yad étimiz.»

bayanatta, 15 – séntebir küni ezerbeyjan musteqilliq élan qilghandin kéyinla osmanli impériyesidin yardem telep qilghan ezerbeyjangha ewetilgen nuri killigil pasha qomandanliqidiki «kawkaz islam qoshuni» bashchiliqida bakuning azad bolghanliqining 100 – yilliqi tebriklinip mundaq déyildi: «<kawkaz isla qoshuni> we bu menilik 100 – yil türkiye bilen ezerbeyjanning <ikki dölet, bir millet> éngi dairisidiki menggü yimirilmes birlikining eng muhim burulush nuqtisini teshkil qilidu. bakuning azad qilinishi bilen, shu dewrde paytext jenjedin bakugha özgertilgen we döletning zémin pütünlükini qoghdash yoli échilghandur. shuning bilen bir waqitta, ezerbeyjanning bügünki kündiki chégra liniyelirining belgilinishining asasi turghuzulghandur. <birinchi dunya urushi> ning axirqi aylirida tallanghan eskerlerdin teshkil tapqan we ezerbeyjangha ewetilgen <kawkaz islam qoshuni> qolgha keltürgen bu zeperning 100 – yilliqi, türkiye bilen ezerbeyjan otturisidiki qérindashliq hem hemkarliqning simwoli süpitide özgiche alahidilikke ige.»

bakuning azad qilinishining 100 – yilliqi munasiwiti bilen bakuda jumhur reis rejep tayyip erdoghan bilen ezerbeyjan pirézidénti ilham eliyéw ishtirak qilidighan tebriklesh paaliyetlirining ötküzülidighanliqi eskertilgen bayanatta, bu paaliyetlerge türkiye armiyesi bilen ezerbeyjan armiyesige qarashliq qisimlarningmu qatnishidighanliqi uqturuldi.