armiye qomandanliq ishtabi herbiy heriketler toghrisida melumat élan qildi

türkiye armiyesining yéqinqi bir hepte ichide élip barghan herbiy heriketliride, bölgünchi térrorluq teshkilati p k k ning atalmish «rehber» qatlimidiki yette térroristni öz ichige alghan 52 térrorist bir terep qilindi.

1034376
armiye qomandanliq ishtabi herbiy heriketler toghrisida melumat élan qildi

türkiye awazi radiyosi xewiri: armiye qomandanliq ishtabi 10-16-awghust künliri arisida élip bérilghan herbiy heriketler toghrisida bayanat élan qildi. bayanatqa asaslanghanda, shirnak bilen siirt wilayitining shimalida élip bérilghan herbiy heriketlerde, térrorluq teshkilatining atalmish «rehber» qatlimidiki yette térrorist bolup, jemiy 52 térrorist bir terep qilinghan. bir terep qilinghan térroristlar ichide, térrorluq teshkilatining atalmish iraqning sinjar rayonining mesulimu bar iken.

iz qoghlash heriketliride, térroristlar tashlap qachqan nurghun qoral-yaraghlar qolgha chüshürülgen, 41 dane süniy usulda yasalghan bomba bir terep qilinghan.

süriyening térroristlardin tazilanghan afrin rayonida, zeytun shéxi herbiy herikitide bir terep qilinghan térroristlarning sani 4 ming 573 ke yetken. 2018-yil 18-mart afrin pütünley kontrol qilinghandin tartip, 263 ména tazilanghan we 381 dane süniy usulda yasalghan bomba bir terep qilinghan.



مۇناسىۋەتلىك خەۋەرلەر