جۇمھۇر رەئىس ئەردوغان مولداۋىيە پىرېزىدېنتى بىلەن تېلېفوندا كۆرۈشتى

تۈركىيە ئاۋازى رادىيوسى خەۋىرى: جۇمھۇر رەئىسلىك سارىيى مەنبەلىرىنىڭ بىلدۈرۈشىچە، جۇمھۇر رەئىس ئەردوغان بىلەن مولداۋىيە پىرېزىدېنتى دودوننىڭ تېلېفون سۆھبىتىدە، ئىككى دۆلەت مۇناسىۋەتلىرىنى تېخىمۇ تەرەققىي قىلدۇرۇش توغرۇلۇق ئۆزئارا پىكىر ئالماشتۇرۇلغان، بۇ ھەقتە ئورتاق لايىھەلارنى ئىشقا ئاشۇرۇش ۋە ئۆزئارا ئالىي دەرىجىلىك رەھبەرلەر زىيارەتلىرىنىڭ ناھايىتى مۇھىملىقىنى ئەسكەرتكەن ئەردوغان بىلەن دودون، ھەر ئىككى تەرەپنىڭ ھەر ساھەدە ھەمكارلىقنى يەنىمۇ كۈچەيتىش ئىرادىسىنىڭ قەتئىيلىكىنى تەكىتلىگەن.