erzinjan bilen wanda qanunsiz köchmenler tutuldi

türkiye awazi radiyosi xewiri: erzinjanning üzümlü nahiyeside 55 chet ellikning chégradin qanunsiz kirgenliki éniqlandi.

igilengen melumatlarda körsitilishiche, erzinjan-erzurum tashyolini tekshürüwatqan nahiyelik qoralliq saqchi qisim xadimliri, aldi eynikige "mexsus xizmet aptomobili" dégen xet yézilghan gumanliq bir minbusni közitish astigha alghan. qoralliq saqchi qisim xadimliri bir mezgil közetkendin kéyin minbusni toxtashqa buyruq qilghan, biraq minbus qéchishqa bashlighan. gumanliq minbus axiri nahiyege kirish nuqtisida mejburiy toxtitilghan.

qoralliq saqchi qisim xadimliri chaqliridin is chiqishqa bashlighan 14 kishilik minbustin köpinchisi afghanistanliq köchmenlerdin teshkil tapqan, arisida pakistanliq we bangladishliqlarmu bolghan bir kichik bala, ikki ayal bolup, jemiy 55 köchmenni tutqan. minbusning shopuri aytach .y (38 yash) nazaret astigha élinghan.

köchmenler üzümlü nahiyelik doxturxanisida salametliki tekshürülgendin kéyin, nahiyelik qoralliq saqchi qisim qomandanliq merkizige tapshurulghan. minbusning shopuri erzinjan edliye idarisigha apirilghandin kéyin qolgha élinghan.

wan wilayitining bashkale nahiyesidimu chégradin qanunsiz kirgenliki éniqlanghan 101 chet ellik tutulghan.

bashkale eshmepinar qoralliq saqchi qisim xadimliri charlash jeryanida meydanda ikki guruppidin gumanlanghan we tekshürüsh jeryanida ularning chégradin qanunsiz kirgenliki éniqlanghan. afghanistan we pakistandin kelgen, 14 ayal, 11 kichik balini öz ichige alghan qanunsiz köchmenler bashkale nahiyelik doxturxanisida salametliki tekshürülgendin kéyin, wilayetlik köch idarisigha tapshurup bérilgen.