erdoghan: qandilgha kelgen nöwet sinjarghimu kélidu

dölitimiz jumhur reisi reqep tayyip erdoghan iraqning qandil rayonida uwa tutqan bölgünchi térrorluq teshkilati p k k gha qarshi bashlighan herbiy heriket nöwitining sinjarghimu kélidighanliqini éytti.

990988
erdoghan: qandilgha kelgen nöwet sinjarghimu kélidu

türkiye awazi radiyosi xewiri: jumhur reis rejep tayyip erdoghan bir téléwiziye qanilining ziyaritini qobul qildi we küntertipke munasiwetlik mesililer üstide toxtaldi.

u türkiye hawa armiysining 20 ayropilan bilen p  k k  nuqtilirini bombardiman qilghanliqini eskertip: "bular adettiki nuqtilar emes. sinjar qandilgha oxshaydighan jaydur" dédi we her qachan sinjardimu térrorluqqa qarshi herbiy heriket bashlashning mumkinlikini bildürdi.

rejep tayyip erdoghan térrorluqqa qarshi herbiy heriket mesiliside, iran bilen uchrishishlarning muweppeqiyetlik halda dawamlishiwatqanliqini eskertti.

u süriyening afrin rayonida térrorluq teshkilati p k k ning süriyediki gumashtisi p y d-y p g we daéshqa qarshi élip bérilghan herbiy heriketningmu dawamlishiwatqanliqini bildürüp, mundaq dédi:

"hazir afrinda 4600 din artuq térroristni bir terep qilduq, xelqimizni biaram qilghan qanchilik térrorist bolsa, eng axirqi térrorist yoqalghiche, biz bu ishni dawam qilimiz."

u amérikaning munbich toghrisida térroristlargha bergen qorallarni qayturuwalidighanliqi we p y d-y p g térroristlirini rayondin chiqiridighanliqi heqqidiki bayanatlar üstide toxtaldi we: "amérika mesullirining qanchilik semimiy bolidighanliqini bilmeymen" dédi.

u: "bundin burunmu mushundaq dégen. emdi buni körimiz, waqit bérildi, bu waqit ichide térroristlar firat deryasining sherqige chékindürülse, semimiy ikenlikini bilimiz. chünki munbichte %95-90 ereb bar. p y d-y p g bu yerdin chiqirilghandin kéyin, erebler özlirining zéminigha qaytidu. andin körüshüsh we basidighan qedemlirimizni oylishimiz. hazir, bu heqtiki xizmetlirimiz dawamlishiiwatidu" dédi.

u amérikaning rusiyedin sétiwélinidighan "S-400" bashqurulidighan bomba qalqan sistémiliridin biaram bolup, türkiyege "F-35" ayropilanlirini tapshurushta bir qatar mesililerni peyda qilidighanliqi heqqide tarqalghan gep-sözler üstidimu toxtaldi. u mundaq dédi:

" F-35toghrisida bergen wediliri bar, chünki biz 800 milyon dollar töliduq. bu kélishim boyiche biz tölishimiz kérek bolghan miqdar. eger yene bizge bu toghrida xata qilsa, bu dunyada xelqaraliq qanun bar, qanunda néme déyilgen bolsa, shu boyiche ish qilimiz. S-400 lerni sétiwélip ambargha qoyalmaymiz, biz S-400 lerni pursiti kelgende ishlitimiz.  bular mudapie sistémiliri. shunga, bularni ishletmey néme qilimiz? yene amérikaning qoligha qaramduq? yillardin buyan ulardin telep qilghinimizda <kongre ruxset bermidi> dégen jawabni berdi. biz emdi zériktuq, hazir rusiye teklipimizge intayin jelp qilarliq teklip bilen jawab qayturdi. hetta, yasash jeryanighimu birlikte qoshulishimiz mumkin, dédi. kridét ishlirida intayin muwapiq bolghan shertlerni bizge sundi, biz hazir, bu jeryanni mushundaq dawamlashturuwatimiz."

jumhur reis rejep tayyip erdoghan awstiriyede jamelerning taqilishi mesilisi üstidimu toxtilip, buning hilal-kirést urushini qaytidin bashlash menisini bildüridighanliqini qeyt qildi.

u yawropa ittipaqining bu heqte kélishimi barliqini xatiriletken halda: "yawropa ittipaqining kélishimige, yawropa ittipaqining bir ezasi bolush süpiting bilen qandaqsige bundaq tetürlük qilisen? gérmaniye bash ministiri angéla mérkilge bu ademning herikitini tengshenglar, dep chaqiriq qildim. 24-iyun türkiyede ötküzülidighan jumhur reislik saylimi we parlamént saylimi bundaq ishlarning nurghunlirining aldini élish pursiti bilen teminleydu" dédi.



مۇناسىۋەتلىك خەۋەرلەر