chawushoghlu: türkiyening iradisi qetiy

tashqi ishlar ministiri mewlüt chawushoghlu türkiyening térrorizmgha qarshi  küresh iradisining qetiylikini bildürdi.

989140
chawushoghlu: türkiyening iradisi qetiy

türkiye awazi radiyosi xewiri: chawushoghlu antalya sheherlik hökümiti ot öchürüsh bashqarmisi teripidin bérilgen iptar ziyapitige ishtirak qildi hemde bu yerde qilghan sözide, türkiye armiyesining süriyening we iraqning shimalida uwa yasiwalghan bölgünchi térrorluq teshkilati p k k we uning süriyediki gumashtisi p y d/y p g ge qarshi herbiy heriketlerni élip bériwatqanliqini eskertish bilen bir waqitta, türkiyening süriyediki toqunushlarni toxtitish üchün nahayiti zor tirishchanliq körsitiwatqanliqini tekitlep mundaq dédi: «chégra rayonimizning sirtidiki térrorluq teshkilatlirini tazilash arqiliq rayonimiz we dölitimizning bixeterlikige tehdit shekillendürüwatqan tehditlerni bir terep qilduq, derweqe, shundaq qilish bizning mejburiyitimiz idi.»

amérika qoshma ishtatliri bilen munbich rayoninimu térrorchilardin tazilash üchün yol xeritisi mesiliside birdeklik hasil qilghanliqlirini qeyt qilghan chawushoghlu mundaq dep körsetti: «xudayim buyrisa, bu rayondimu muqimliq ornitilghandin kéyin süriyelik qérindashlirimiz bu rayonghimu qaytishqa bashlaydu.»

sözide, iraqning  shimalidiki qendil rayonida bölgünchi térrorluq teshkilati p k k gha qarshi élip bériliwatqan herbiy heriketler toghriliqmu toxtalghan chawushoghlu mundaq dédi: «bügün biz u jaylargha bérip, shu yerlerge orunlishiwalghan térrorchilarni tazilimisaq, ular ete – ögün bizning térrotériyemizge soqunup kirip, bizge tehdit shekillendüridu.»



مۇناسىۋەتلىك خەۋەرلەر